Jol maqsatqa jetkizedi

ASTANA. QazAqparat - Atyraý oblysy boıynsha uzyndyǵy 2 752 shaqyrymdy quraıtyn avtokólik joldary bar. Onyń 1 762 shaqyrymy jergilikti mańyzdaǵy, 990 shaqyrymy respýblıkalyq mańyzdaǵy joldar, dep jazady "Aıqyn" gazeti.

«Qazaqavtojol» RMK Atyraý oblystyq fılıalynyń basty maqsaty - Atyraý oblysy boıynsha jalpy paıdalanymdaǵy respýblıkalyq mańyzdaǵy joldarda avtokólikterdiń qaýipsiz jáne tolassyz qozǵalysyn qamtamasyz etý úshin kútip ustaý, aǵymdaǵy jóndeý, kógaldandyrý jumystaryn júrgizedi, atap aıtqanda: qysta qardan tazalaý, kóktem-jaz aılarynda shuńqyr jamaý, jaryqtarǵa shaıyr quıý, jol belgilerin ornatý nemese almastyrý, jol tańbasyn syzý, taǵy da basqa jumystar. Sonyń ishinde: «Aqtóbe - Atyraý» Reseı Federatsııasy shekarasy (Astrahan baǵyty) - 552 shaqyrym (330-893). Bul joldyń 7 shaqyrymy I kategorııaly, 493 shaqyrymy III kategorııaly, 19 shaqyrymy IV kategorııaly. Atyraý - Oral tas joly 184 shaqyrym  (5-189) III kategorııaly.  Dossor - Qulsary - Aqtaý - 209 shaqyrym (0-209)  III kategorııaly. Mahambet - Novobogat - 45 shaqyrym (0-45)  IV kategorııaly joldary bar.

- Atalǵan joldyń kútip ustaý jumystaryn júrgizip otyrǵan fılıal boıynsha 4 JPÝ, 4 JPB bar. Qazirgi tańda Atyraý oblystyq fılıalynda 115 adam jumys atqarady, - deıdi «Qazaqavtojol» RMK Atyraý oblystyq fılıalynyń dırektory Seıitjan  Moldashev. -  2016 jyly joldardy kútip ustaý jumystaryna respýblıkalyq bıýdjetten 350 mıllıon teńge qarajat bólindi. Aǵymdaǵy jyldyń 7 aıy ishinde bólingen qarajattyń 247,5 mıllıon teńgesi ıgerildi. Qazirgi tańda shuńqyr jamaý, jol jıegindegi shópti shabý, syzattardy kesý jumystary júrgizilýde. Sonymen qatar 2016 - 2017 jyldardaǵy kúzgi-qysqy mezgilde joldy kútip ustaý jumystary atqarylýda. Olar:
1. Óndiristik bazalardy qysqa daıyndaý.
2. Jylytý pýnktteri men boksatrdy jylytý júıesine qosý.
3. Arnaıy tehnıkalardy jóndeý. 
4. Taıǵaqqa qarsy qol­da­nylatyn reagenttik materıal­dardy daıyndaý.
5. Jol jıegindegi shópti shabý.
Qazirgi tańda qysty kútip ustaý jumysyna paıdalanylatyn arnaıy tehnıka sany - 26 dana, sonyń ishinde - 23 danasy daıyn, 3 danaǵa jóndeý jumysy  júr­gizilýde. 
Mekemede 24 arnaıy tehnıka bar, olar - avtogreıder, KamAZ, KDM, katok, freza, shópshapqysh tehnıkalar. 
Fılıal qurylǵannan beri birneshe tenderge qatysyp, respýblıkalyq mańyzy bar joldar boıynda ortasha jóndeý jumystaryn júrgizdi. 
Bıyl 1 sáýirde ashyq konkýrs tásilimen júr­gizilgen «Atyraý qalasyndaǵy avtomobıl jolda­ryn jóndeý» jalpy quny - 74 753 099 teńgeni quraıtyn jumystaryn utyp aldy. 
«Qalalyq turǵyn úı kom­mýnaldyq sharýashylyǵy, jolaý­shylar kóligi jáne avtokólik joldary bólimi» jarııalaǵan konkýrs talaby boıynsha Atyraý qalasy kóshelerinde paıda bol­ǵan shuńqyrlardy jamaý, otyryńqy jerdi qalpyna keltirý, jalpy kólemi 8 300 m2 quraıtyn jumystar. Atalynǵan jumystardy oryndaý maqsatynda brıgada jasaqtalyp, jumys bastaldy. 
Kelisimshart sommasy -  74 753099, 68 teńge. 
Barlyq tehnıka saqadaı saı, jumys júrgizilýde. Jol-qurylys materıaldary memlekettik satyp alý josparyna engizilip, qosymsha kelisimshart jasalýda. Osy kúnge deıin 5 464 sharshy metr shuńqyr jamaý jumysy oryndaldy.
Qazirgi tańda fılıal qyz­metkerlerinen qurylǵan «Nur Otan» partııasy «Jibek joly» bastaýysh partııa uıymy jumys atqarady. «Nur Otan» partııasy «Jibek joly» bastaýysh partııa uıymy tóraǵasy bolyp biraýyzdan fılıal dırektory Seıtjan Moldashev saılandy. 
2016 jyldyń І jartysynda kóptegen is sharalar atqarylyp, kómek kórsetildi. «Kedergisiz keleshek» partııa jobasy arqasynda «Múgedekterge kómek» atty dóńgelek ústel uıymdastyrylyp, múmkindigi shekteýli jandar úshin  jumys oryndaryn qurý, teń quqyqtar men múmkinshilikter jasaý arqyly olardyń materıaldyq jaǵdaıyn jaqsartýdyń joldaryn qarastyrdy. 
«Jastar - Otanǵa» par­tııa jobasy sheńberinde «Qa­zaqavtojol» RMK Batys Qa­zaqstan oblystary (Mańǵystaý, Atyraý, Batys Qazaqstan, Aqtóbe) arasynda  «Alǵa, jastar!!!»  atty aıaqdop oıyn túrinen dostyq týrnıri uıymdastyryldy.
«Ardagerlerdi ardaqtaıyq» partııa jobasy negizinde «Qart­tarymyz - altyn dińgegimiz» atty shara ótkizilip, partııa músheleri, fılıal qyzmetkerleri men jumysshylary Mahambet aýdanyndaǵy Uly Otan soǵy­sy ardagerleri, eńbek arda­geri Sembaı Iseǵalıevqa medı­tsınalyq kómek kórsetip, úı sharýashylyǵyna jáne aqshalaı járdem berildi. 
Jol salasynyń mamany, elimizdiń avtokólik joldary qurylysynda aıanbaı eńbek etken «Eńbek ardageri» tós belgisiniń ıegeri Satybaldy Baıtekenovtiń otbasymen kezdesip, aqshalaı jáne zattaı syı-sııapat kórsetildi. 
Qazirgi tańda Elbasy N.Nazarbaevtyń Máńgilik el - 2050 Qazaqstan halqyna  Joldaýy boıynsha nasıhattaý jáne túsindirý jumystary júrgizilýde. 
Jol- memleket ınfra­qurylymynyń eń mańyzdy elementteriniń biri. Elimizdiń ekonomıkalyq órkendeýi jol jelileri damýynyń deńgeıine tikeleı táýeldi. Osyǵan baı­lanysty, Qazaqstan Prezı­denti joldy salý men jón­deýdi memlekettiń basym tap­syrmalarynyń biri retinde alǵa qoıdy. Investıtsııa jáne damý mınıstrligi Avtomobıl joldary komıtetiniń tóraǵasy Mereke Pshembaev pen «Qazaqavtodor» respýblıkalyq memlekettik kásipornynyń bas dırektory Serikjan Muqashev Elbasynyń «Nurly jol» baǵdarlamasynyń óńirde sapaly oryndalýyna basa nazar aýdarýda. Atyraý aımaǵy munaıly óńir bolǵandyqtan joldyń sapasy únemi  basty nazarda bolýy kerek. Bul oraıda Atyraý oblysynyń ákimi de Prezıdent nusqaýyn basshylyqqa alyp, jol sapasyn jaqsartýǵa jete  kóńil bólýde.
«Qazaqavtojol» RMK Aty­raý oblystyq fılıalynyń dırektory Seıitjan Mol­dashev eńbek jolyn kólik júr­gizýshilikten bastap, keıinnen M.Tynyshpaev atyndaǵy Kólik jáne kommýnıkatsııa akademııasyn «Avtokólik joldary jáne aerodrom qurylysy» mamandyǵy boıynsha támamdap, osy salada jumys jasaýǵa bet burdy. Jaýapkershilik, maqsatqa umtylý, eńbeksúıgishtik, jan-jaqtylyq, uqyptylyq pen máseleni aqyl­men sheshý sııaqty qasıetter onyń boıyna tán.  Onyń qol sozǵan úlken maqsattarǵa jetýiniń syry da osynda.

Gúlnar TÁJIEVA