Jol qyzmetkerleri Jeńis kúnin fýtzal týrnırimen qarsy alýda

ASTANA. Sáýirdiń 30-y. QazAqparat /Ernur Aqanbaı/ - 2010 jylǵy sáýirdiń 17-30 aralyǵynda Kólik jáne kommýnıkatsııa mınıstrliginiń Avtomobıl joldary komıteti Uly Otan soǵysynyń 65 jyldyq Jeńisine arnalǵan fýtzal boıynsha týrnır ótkizdi.

Jarysqa 4 aımaq boıynsha bólingen komıtet jáne onyń aımaqaralyq bólimsheleri men «Qazaqavtojol» RMK fılıaldarynyń toptary qatysty, dep habarlaıdy QazAqparat.

Atlmysh vedomstvo baspasóz qyzmetiniń málimetinshe, oıyn tártibine sáıkes óńirlik oıynnyń eki jeńimpaz toby 2010 jylǵy 29-30 sáýirde Astana qalasyndaǵy «Eýrazııa» spor kesheninde ótip jatqan sheshýshi oıyndarǵa qatysady.

Budan buryn, 17 sáýirde, Pavlodar men Kókshetaý qalalarynda ótken ortalyq jáne soltústik óńirlerdegi oıyn qorytyndylary boıynsha «Jeńis» komandasy (Avtomobıl joldary komıteti), Pavlodar men Aqmola oblysy «Qazaqavtojol» RMK fılıaldarynyń toptary, sonymen qatar Avtomobıl joldary komıtetiniń Soltústik Qazaqstan oblystyq departamenti jeńimpaz dep atandy.

24 sáýirde Taraz jáne Aqtóbedegi oıyndardyń qorytyndysy boıynsha Avtomobıl joldary komıteti Atyraý oblysynyń departamenti jáne Aqtóbe, Almaty, men Ońtústik Qazaqstan oblystarynyń «Qazaqavtojol» RMK fılıaldarynyń toptary jeńiske jetti.

Jartylaı fınalǵa shyqqan 8 komanda eki topqa bólindi, olardyń ishinen «Jeńis» jáne Soltústik Qazaqstan departamentiniń komandasy, sonymen qatar «Qazaqavtojol» RMK Aqtóbe men Aqmola fılıalynyń toptary fınalda kezdesedi. Týrnır jeńimpazy búgin, 30 sáýir kúni anyqtalýda. Fınaldyq oıyn «Eýrazııa» sport kesheninde ótkiziledi.

Jeńimpaz-top aýyspaly kýbok pen 1-shi dárejeli dıplommen marapattalady. 2 jáne 3-shi oryndy ıelenetin toptar tıisti dıplomdarmen marapattalady. Týrnırdiń belsendi oıynshylary da baǵaly syılyqtar alady.