Jol-kólik oqıǵasy: Pavlodar oblysynda 40 bala túrli jaraqat aldy

<p>PAVLODAR. KAZINFORM &ndash; Jyl basynan beri Pavlodar oblysynda kámeletke tolmaǵandardyń qatysýymen bolǵan jol-kólik oqıǵalarynyń 36 faktisi tirkeldi, onda 40 bala túrli jaraqat alǵan. Bul týraly Polisia.kz habarlady.</p>

Balalardyń qatysýymen bolǵan jazataıym oqıǵalardyń basty sebebi – kólik júrgizýshileri men balalardyń da jol erejesin saqtamaýy.

 – Jyl basynan beri oblys joldarynda kámeletke tolmaǵandardyń qatysýymen bolǵan jol-kólik oqıǵalarynyń 36 faktisi tirkeldi, onda 40 bala túrli jaraqat aldy, - dep málimet berdi Pavlodar oblysy PD.

Mamandardyń pikirinshe, kóbinese balalar júris bóligin ruqsat etilmegen jerde, baǵdarshamnyń tyıym salatyn sıgnalyna, jaqyn júretin kóliktiń aldynda ótedi. Sondaı-aq velosıpedterdi, mopedterdi jáne mototsıklderdi júrgizý kezinde jol júrý erejesi buzylady. Taǵy bir sebep bolatyn jaǵdaı – kólik tizgindegen júrgizýshi de, jolaýshy da qaýipsizdik beldigin taqpaıdy. Sondaı-aq, balalarǵa arnalǵan oryndyqtyń bolmaýy da kóp jaǵdaıda qaıǵyly jaǵdaıǵa ákeledi.  

Eresekter balanyń kózinshe jol erejesin buzatyn jaǵdaılar bolady. Bala kórgenin isteıdi. Joldy kesip ótýge ruqsat etilmgen bólikten ótýge bolmaıtynyn túsindirgen abzal.

Osy oraıda polıtsııa joldaǵy eresekterdiń jol erejesin saqtaýy olardyń balalaryna da úlgi bolatynyn eskertedi. Kún saıyn balalarǵa jol erejesin sondaı-aq jaıaý júrginshiler ótetin bólikten ótý kezinde de sergek ári muqııat bolýǵa shaqyrady.