Jol-kólik oqıǵalarynyń artýyna quqyq buzýshylardyń jazalanbaýy yqpal etýde - A.Daýylbaev

ASTANA. QazAqparat - Jol erejesin buzǵandardy mindetti túrde jazalaý kerek. Bul týraly búgin Zańdylyqty, quqyqtyq tártipti jáne qylmysqa qarsy kúresti qamtamasyz etý jónindegi Úılestirý keńesiniń jınalysynda QR Bas prokýrory Ashat Daýylbaev málim etti.

«Jol-kólik oqıǵalarynyń artýyna quqyq buzýshylardyń jazalanbaýy yqpal etýde. JKO-lardy aýyzdyqtaý baǵytyndaǵy tıimdi sharalardyń biri - kinálilerdi mindetti túrde zań aıasynda jazaǵa tartý. Degenmen quqyq buzýshylardyń ákimshilik jaýapkershilikke tartylmaýynyń kóptegen faktileri anyqtaldy», - dedi Bas prokýror.

Belgili bolǵandaı, tek Aqmola oblysy Býrabaı aýdandyq jol polıtsııasy bóliminde kinálilerdiń jaýapkershilikke tartylmaýynyń 25 faktisi anyqtaldy.

«Keı kezde buǵan polıtsııa qyzmetkerleriniń ózderi yqpal etedi. ıAǵnı, olar materıaldardy toltyrý kezinde qatelikterge boı aldyryp, osynyń saldarynan sottar ony qaıta tolyqtyrý úshin qaıtarýǵa májbúr bolyp jatady», - dep atap ótti A.Daýylbaev.

Sonymen qatar ol sottyń sheshimimen júrgizýshilik kýáliginen aıyrylǵandardyń kólik quraldaryn basqarýynyń kóptegen faktileri anyqtalǵanyn jetkizdi. Máselen, bıylǵy sáýirde prokýratýra organdarynyń qyzmetkerleri ákimshilik polıtsııamen birlesken reıdteri barysynda tek eki aptanyń ishinde osyndaı 134 júrgizýshi ustaldy.