Jol apatyna ushyraý jaǵdaılary áli de kúrdeli bolyp qalyp otyr - QR ІІM basshysy

ASTANA. 12 qarasha. QazAqparat - 2007 jylmen salystyrǵanda joldaǵy adam ólimin 50 paıyzdan artyq kórsetkishke azaıtý múmkin bolǵanymen, jol apatyna ushyraý jaǵdaılary áli de kúrdeli bolyp qalyp otyr. Bul týraly búgin Úkimet otyrysynda QR Іshki ister mınıstri Qalmuhanbet Qasymov aıtty.

Onyń sózine qaraǵanda, bıyl jol-kólik oqıǵalary 59 paıyzǵa jáne odan jaraqat alǵandar 67 paıyzǵa artqan. Tek tamyz aıynda joldarda 377 adamnyń ómiri qıyldy. «Bul jaǵdaı múddeli mınıstrlikter men barlyq ákimdikter tarapynan jedel áreket etip, ár óńirde osy máseleni sheshýdiń naqtyly joldaryn izdeýdi talap etedi», - deıdi mınıstr. Vedomstvo basshysynyń sózine qaraǵanda, búginde jol-kólik oqıǵalarynyń 80 paıyzy júrgizýshilerdiń kinásinen oryn alady. Árbir JKO-nyń tórtinshisi - jyldamdyqty shamadan tys asyrýǵa, árbir tozynshy apat jol qıylysynda júrý erejesin buzýmen, árbir onynshysy - durys manevr jasamaýmen, sondaı-aq árbir on birinshisi - joldyń qarsy jolaǵyna shyǵyp ketý jaǵdaılarymen baılanysty. «Rólge mas kúıinde otyrǵan júrgizýshiler kesirinen JKO sany azaımaı tur», - dedi mınıstr. Esterińizge sala keteıik, 11 qazanda ótken Úkimettiń keńeıtilgen otyrysynda Memleket basshysy Nursultan Nazarbaev birqatar mınıstrlikter men vedomstvolardyń ǵana emes, sonymen qatar, jalpy Úkimettiń de jumysyn qatań synǵa aldy. Qazaqstan Prezıdenti Nursultan Nazarbaev Іshki ister mınıstri Qalmuhanbet Qasymovqa jolda adam ólimine sebep bolǵan kólik júrgizýshilerin jazalaýdy qataıtý týraly tapsyrma berdi.