Jol apatynda úsh adamnyń ólimine sebepker bolǵan júrgizýshi sottaldy

<p>AQTAÝ. KAZINFORM &ndash; Mańǵystaý oblysynda jol apatyna ushyrap, úsh adamnyń ólimine sebepker bolǵan turǵyn 5 jylǵa sottaldy.</p>

Qaraqııa aýdandyq sotynda QR Qylmystyq kodeksiniń 345-babynyń 4-bóligimen qylmystyq iste aıypty dep tanylǵan turǵynǵa úkim shyqty.

Sot barysynda aıyptalýshy azamattyń Jańaózen-Qyzylsaı jolynda «Toyota Sienna» kóligimen jol erejesin óreskel buzyp, qarsy baǵytta kele jatqan «Toyota Hilux»-ke soǵylǵan. Oqıǵa saldarynan «Toyota Hilux» kóliginiń júrgizýshisi jáne qasyndaǵy eki jolaýshysy qaıtys boldy.

Sottalýshy azamat ózine taǵylǵan aıyppen kelisip, kinásin moıyndap, jasaǵan áreketterine shyn ókinetinin, bas bostandyǵynan aıyrý men baılanysty emes jaza taǵaıyndaýdy surady.

«Sot aıyptalýshynyń jasaǵan qylmystyq jaýaptylyǵy men jazasyn jeńildetetin mán-jaı retinde kinásin tolyqtaı moıyndaýyn, shyn nıetpen ókinetinin, jábirlenýshilerdiń talabynyń joqtyǵyn, keshirim bergenin tanydy. Úkim boıynsha turǵyn oqıǵaǵa kináli dep tanylyp, 7 jyl merzimge kólik quralyn basqarý quqyǵynan aıyrylyp, 5 jyla bas bostandyǵynan aıyrý jazasy taǵaıyndaldy», - dep jazylǵan Qaraqııa aýdandyq sotynyń baspasóz qyzmeti taratqan aqparatta.

Qazirgi ýaqytta sot úkimi zańdy kúshine endi.

Buǵan deıin Aqtaýda 21 jastaǵy Valerııa Shalnovany azaptap óltirip, denesin kanalǵa tastap ketken kúdikti 22 jylǵa sottalǵan bolatyn.