Jol apatynan zardap shekken úsh jasóspirimniń ekeýi jansaqtaý bóliminde jatyr

<p>ATYRAÝ. KAZINFORM &ndash; Atyraýda tórt kólik soqtyǵysyp, saldarynan úsh jasóspirim zardap shekken edi. Qazir jasóspirmderdiń ekeýi jansaqtaý, bireýi travmatologııa bóliminde jatyr.</p>

Atyraý oblystyq densaýlyq saqtaý basqarmasynyń baspasóz qyzmetinen málim etkendeı, jol apatynan zardap shekken 4 adam aýrýhanaǵa jetkizilgen. Onyń úsheýi – kámeletke tolmaǵan jasóspirim, al, bireýi – 1989 jylǵy áıel. 

«Kókarna aýylynda oryn bolǵan jol kólik apatynan zardap shekkenderdiń bireýi oblystyq aýrýhanaǵa, úsheýi oblystyq balalar aýrýhanasyna jetkizlidi. 1989 jyly týǵan áıeldiń jaǵdaıy jaqsy, onyń densaýlyǵyna tónip turǵan qaýip joq. Sol sebepten, búgin, 5 naýryzda óziniń kelisimimen aýrýhanadan shyǵaryldy. Al, oblystyq balalar aýrýhanasyna jetkizilgen jasóspirimderdiń ekeýi jansaqtaý bóliminde, bireýi travmatologııa bóliminde em-dom alyp jatyr. Qazir olar dárigerlerdiń baqylaýyna alyndy», - dep habarlady basqarmanyń baspasóz qyzmeti.

Eske sala ketelik, buǵan deıin Atyraýda jol apatynan eki adam mert bolyp, tórteýi aýrýhanaǵa túskenin  habarlaǵan bolatynbyz. 

Atyraý-Damby tas jolynyń boıynda ornalasqan Kókarna aýylynda birden tórt kólik – Toyota Prado, KamAZ, Kia jáne VAZ-2112 soqtyǵysty. Júk kóligi aýdarylyp qalǵan.

Jol-kólik oqıǵasynyń saldarynan VAZ-2112 kóliginiń júrgizýshisi men jasóspirim jolaýshy oqıǵa ornynda kóz jumdy. Osy kólikte otyrǵan úsh jasóspirim men bir áıel jedel járdem kóligimen aýrýhanaǵa jetkizildi.