Joǵary Sot V.Chelahtyń advokaty túsirgen ótinishti qanaǵattandyrǵan joq

ASTANA. 2 qyrkúıek. QazAqparat - QazAqparat - Qazaqstan Respýblıkasy Joǵarǵy Sotynyń qylmystyq ister jónindegi qadaǵalaýshy sot alqasy sottalǵan Vladıslav Chelahqa qatysty zańdy kúshine engen sot aktilerin qaıta qaraý týraly advokat S. Sársenovtiń ótinishin qanaǵattandyrǵan joq, dep habarlaıdy QazAqparat tilshisi.

"Joǵarǵy Sot sýdıalary advokat Sársenovtiń ótinishin qarastyra otyryp, mamandandyrylǵan aýdanaralyq áskerı sottyń, apellıatsııalyq jáne kassatsııalyq sot alqalarynyń sheshimin zańdy dep taýyp, onyń ózgertilýin negizsiz degen qorytyndyǵa keldi. Sársenovtiń ótinishin qanaǵattandyrýǵa jáne sot aktilerin qaıta qaraýǵa negiz joq", - dedi Qazaqstan Respýblıkasy Joǵarǵy Sotynyń qylmystyq ister jónindegi qadaǵalaýshy sot alqasynyń sýdıasy Dáýlen Nuralın.

Budan buryn habarlanǵandaı, mamandandyrylǵan aýdanaralyq áskerı sottyń 2012 jylǵy 11 jeltoqsandaǵy úkimimen áskerı qyzmetshi V. Chelah QR QK-nyń 96-babynyń 2-bóliginiń «a,v,d,k,n,», 172-babynyń 1-bóliginde, 175-baptyń 2-bóligi. «b, v» tarmaqtarynda, 255-baby 3-bóliginiń «a» tarmaǵynda, 251-babynyń 1-bóliginde, 387-babynyń 2-bóliginde, 145-babynyń 2-bóliginde kózdelgen qylmystardy jasaǵany úshin kináli dep tanylǵan bolatyn. Qazirgi ýaqytta ol erekshe rejimdegi túzeý kolonııasynda ómir boıy bas bostandyǵynan aıyrý túrindegi jazasyn ótep jatyr.