Joǵary sapaly benzındi óndirý kólemin úsh ese arttyrýǵa bolady - Úkimet basshysy
11:14, 02 Qazan 2012
ASTANA. 2 qazan. QazAqparat - Indýstrııalyq-ınnovatsııalyq baǵdarlamaǵa sáıkes, Qazaqstannyń munaı-gaz zaýyttaryn jańǵyrtý jumysy 2015 jylǵa deıin kezeń-kezeńimen júrgiziletin bolady.
Búgin Astanada bastalǵan «Qazenerdjı» VII Eýrazııalyq forýmynda QR Premer-Mınıstri Serik Ahmetov osylaı aıtty.
Úkimet basshysy atap kórsetkendeı, Atyraý munaı óńdeý zaýytyn qaıta jańǵyrtýdyń arqasynda joǵary sapaly benzındi óndirý kólemin úsh ese arttyrýǵa bolady. «2013 jyly Soltústik Kaspıı jobasyn iske qosý josparlanyp otyr. Búginde tabıǵı gazdy óndirý kólemi artyp jatyr. Osyǵan oraı Qarashyǵanaqta jylyna 5 mlrd. tekshemetr gazdy óńdeıtin zaýyt salynatyn bolady. Al Qazaqstannyń munaı-gaz zaýyttaryn jańǵyrtý jumysy 2015 jylǵa deıin kezeń-kezeńimen júrgiziledi», - deıdi S.Ahmetov.