Joǵary oqý oryndaryndaǵy problemalar aıtyldy

NUR-SULTAN. QazAqparat – Elimizdegi joǵary oqý oryndarynda stýdentter sany óskenmen, onyń ınfraqurylymy ulǵaımaǵan. Bul týraly QR Bilim jáne ǵylym mınıstri Ashat Aımaǵambetovtiń joǵary oqý orny basshylarymen kezdesýinde aıtyldy, dep habarlaıdy QazAqparat tilshisi.

«Elimizdegi joǵary oqý oryndarynda stýdentter sany óskenmen, onyń ınfraqurylymy ulǵaımaǵan. Sondyqtan, mınıstrdiń tapsyrmasy boıynsha bıyl memlekettik-jekeshelik áriptestik aıasynda joǵary oqý oryndaryndaǵy ınfraqurylymdy damytý boıynsha is-shara bastalady»- deıdi Joǵary jáne joǵary oqý ornynan keıingi bilim departamentiniń dırektory Ádilet Toıbaev.

Onyń aıtýynsha, mınıstrlik bilim berý salasyndaǵy normatıvtik quqyqtyq aktilerdi qatańdatý boıynsha jumys istep jatyr degen pikir bar. Jaqynda jasalǵan ózgeristerge kóz júgirtetin bolsaq, akademııalyq táýelsizdikti keńeıtý boıynsha júıeli jumystar júrgizilip jatqanymen qatar, sapaǵa qoıylatyn talaptar da arta túsýde.

«Birinshi, Memlekettik jalpyǵa mindetti bilim berý standartyna ózgerister engizildi, bul bakalavrıat deńgeıinde praktıkterdi tartýǵa keń múmkindik berdi. Ekinshi, magıstratýrada jáne doktorantýrada deńgeıindegi ǵylymı jetekshilerge qoıylatyn talaptar kúsheıtildi. Úshinshi, doktorantýranyń mazmuny akademııalyq jazýdaǵy pánderdi jáne ǵylymı zertteý ádisterin qamtıdy», - deıdi ol.

Sondaı-aq, qyzmettiń tıptik erejeleri aqyly bilim berý qyzmetin retteıtin ereje alyp tastaldy. Synyptar men jataqhanalardy paıdalaný úshin senimdi basqarý múmkindigi qarastyrylǵan.