Joǵary oqý oryndarynda karantın talaptary qalaı saqtalǵan

NUR-SULTAN. QazAqparat – Bıylǵy oqý jylynda stýdentterge oqý orny qabyrǵasynda bilim alýǵa ruqsat berildi. Basty talap - karantın erejesi saqtalýy tıis. ıAǵnı ǵımarat ishinde áleýmettik araqashyqtyq saqtalyp, barlyǵy maska taǵyp júrýi kerek. Taǵy bir talap stýdentter men oqytýshylar ǵımaratqa «Ashyq» júıesi arqyly kirýge mindetti. Osy oraıda dástúrli oqý júıesine kóshken stýdentter qalaı oqyp jatyr, oqý oryndary karantın talaptaryn saqtap jatyr ma? Bul suraqtarǵa L.N.Gýmılev atyndaǵy Eýrazııa ulttyq ýnıversıtetiniń akademııalyq máseleler departamentiniń dırektory Baıjuman Qashqynbaı jaýap berdi.

«Bıyl dástúrli oqý 2,3,4 kýrs stýdentteri úshin 1 qyrkúıekte bastalsa, 1 kýrs stýdentteri úshin 6 qyrkúıekte bastaldy. Sebebi alǵashqy apta beıimdelýge berildi. Oqý ǵımarattaryna stýdentterdi birden topyrlatpaı, kezeńnen kirgize bastadyq. Mine 1,5 aı boıy mınıstrliktiń buıryǵyna saı, talapty saqtaı otyryp oqý júrip jatyr. Jýyrda stýdentter aralyq emtıhan tapsyrady. Sanıtarlyq talaptardy saqtaý úshin sabaq eki aýysymǵa bólindi ıaǵnı túske deıin jáne tústen keıin. Aýdıtorııalar men ǵımarat dálizderinde áleýmettik araqashyqty saqtaý belgileri kórsetilgen. Sondaı-aq, stýdentter kóp jınalatyn jalpy mindetti pánder onlaın ótip jatyr. Óıtkeni, ol pánder birneshe top stýdentteriniń qatysýymen ótedi. Ol úshin bilim alýshylarǵa jaǵdaı jasalǵan. ıAǵnı árbir stýdent dáristi elektrondy túrde alyp, ony qalaǵan ýaqytta tyńdaı alady. Onlaın dáristen soń keri baılanys ornatý úshin sol jerde tapsyrma berilgen, ony oryndaǵan soń stýdent avtomatty túrde baǵasyn alady. Barlyǵy onlaın ıaǵnı elektrondy túrde júzege asady», - dedi Baıjuman Qashqynbaı.

Atalǵan joǵary oqý ornynda ár top ekige bólingen. Eger topta 30 stýdent bolsa, 15 stýdentten bólinip oqıdy. Sonymen qatar dáris aýdıtorııalarynda áleýmettik araqashyqtyq saqtalǵan jáne stýdentter sabaqa maskamen otyrady.

«Árıne, basynda bir júıege úırenisem degenshe qıynshylyqtar boldy. Ýaqyt óte kele stýdentter de, oqytýshylarǵa beıimdelip aldy. Qazirgi ýaqytta oqý qalypty deńgeıde júrip jatyr. Bizde apta saıyn dekan jáne oqýshylar quramymen jınalys ótip turady. Sol jerde barlyq másele qaralady. Eger toptyń ishinen bir stýdentten kovıd jaǵdaıy anyqtalsa, ol top túgeldeı onlaın oqýǵa jiberiledi», - deıdi ol.

Onyń aıtýynsha, EUÝ-de 100 paıyz oqý protsesiniń 22 paıyzy onlaın túrde ótip jatyr, qalǵany dástúrli túrde ótýde.

«Karantın talaptary tek oqý ǵımarattarynda ǵana emes jataqhanada da tıisti deńgeıde saqtalǵan. Jataqhanada turatyn stýdentterdiń saqtaýy tıis ózindik erejeleri bar. Jalpy bizde oqý protsesin uıymdastyrýda qajetti baza jasaqtalǵan. ıAǵnı dástúrli nemese onlaın oqýǵa tolyq jaǵdaı jasalǵan. Byltyrdyń ózinde pandemııa kezinde zerthanalar karantın talaptaryn saqtaý otyryp jumysyn dástúrli túrde jalǵastyrdy. Bul magıstrlar men doktoranttarǵa qatysty áńgime. Taǵy bir aıtyp ótetin jaıt, barlyq stýdentterge oqý bastalmas buryn karantın talaptary men ony saqtaý kerektigi basa aıtyldy. Áli de aıtylyp keledi», - dedi B. Qashqynbaı.

Departament basshysynyń aıtýynsha, bıyl oqý jyly bastalǵaly stýdentter arasynda 5-6 koronavırýs indetin juqtyrý jaǵdaıy tirkelgen.

«Oqytýshylardyń 99 paıyzy vaktsına alǵan. Degenmen maska rejımin saıtaımyz. Stýdentterge kelsek, árıne biz eshkimdi mindetteı almaımyz. Tek keńes, nusqaýlyq túrinde ǵana usyna alamyz. Vaktsına almaǵan jaǵdaıda sabaq kirgizbeı shekteý qoıý degen joq. Barlyǵy «Ashyq» júıesimen kire alady. Búginde bizdiń stýdentterdiń 70 paıyzy vaktsına aldy. Bul 1 kýrs stýdentterin eseptemegendegi kórsetkish. Sebebi 1 kýrs stýdentteriniń keıbiri jasy 18-ge tolmaǵan. Sondyqtan biz olardy jalpy esepke qosqan joqpyz. Bıyl bizde vaktsına alýǵa qatysty qyzyq derek tirkeldi. Tamyz aıynda áskerı kafedrada oqıtyn stýdentterden qujat qabyldanady. Sol anyqtalǵandaı áskerı kafedraǵa túsýshi stýdentterdiń 100 paıyzy vaktsına alǵan bolyp shyqty. Biz eshkimdi mindettegen joqpyz. Olar 2,3 jáne 4 kýrs stýdentteri», - dedi ol.