Joǵary Eýrazııa ekonomıkalyq keńesinde qandaı máseleler talqylanady
Bul kúni Eýrazııalyq ekonomıkalyq odaǵyn qurý týraly kelisimge qol qoıylǵanyna da 5 jyl tolmaq.
Mınıstrlik ókili Aıbek Smadııarovtyń aıtýynsha, atalmysh sharaǵa QR Prezıdenti Qasym-Jomart Toqaev pen Elbasy Nursultan Nazarbaev, Belarýs, Qyrǵyzstan, Reseı, Moldova jáne Tájikstan memleketteriniń basshylary qatysady.
«Eýrazııalyq ekonomıkalyq odaǵyn qurý týraly shartqa qol qoıylǵanyna 5 jyl tolýyna oraı, Joǵary Eýrazııalyq ekonomıkalyq keńesiniń músheleri birlesken málimdeme jasaıdy. Bul mereıtoıly sammıtte qabyldanatyn basty qujat bolmaq. Otyrys sheńberinde Eýrazııalyq ekonomıkalyq odaǵynyń tsıfrlyq kún tártibin iske asyrý boıynsha ózekti qyzmettiń mańyzdy máseleleri talqylanady. Sondaı-aq, «úshinshi eldermen» Odaq aıasynda saýda sharttaryn jasasý kezinde qol jetkizilgen nátıejeler men qajetti sheshimder týraly baıandamalar tyńdalady»,- deıdi Aıbek Smadııarov.
Onyń aıtýynsha, otyrys barysynda uıym basshylary 2019-2020 jyldarǵa arnalǵan makroekonomıkalyq saıasattyń negizgi baǵyttaryn talqylamaq.
«Odaqqa múshe elder ortaq energetıkalyq naryq qalyptastyrýǵa baılanysty máselelerdi qarastyrady. Odaqtyń keden aýmaǵyna ákelingen taýarlardy qadaǵalaý tetikterin retteıtin birqatar halyqaralyq sharttarǵa jáne Eýrazııalyq ekonomımkalyq odaqtyń kedendik kodeksi týraly shartqa ózgerister engizý týraly qujattarǵa qol qoıatyn bolady», - dedi mınıstrlik resmı ókili.