Joǵary bilim qaıtse qoljetimdi bolady – vıtse-premer pikiri
«Jalpy, kommertsııalyq jáne memlekettik joǵary oqý oryndary bar. Komertsııalyq JOO-lar – olar da básekeles. Eger olar baǵany tym kóterip jiberse, onda stýdentter barmaıdy. Eń aldymen satyp alý qabiletine qaraǵan jón. Degenmen, bizde memlekettik granttar bar. Ol qajettilik deńgeıinde jyl saıyn bólinedi. Pedagogıkalyq, medıtsınalyq, aýyl sharýashylyǵy, ІT ne basqa sala mamandyqtaryna memlekettik grant únemi qamtamasyz etiledi», - dedi vıtse-premer QR Ǵylym jáne joǵary bilim mınıstrliginiń keńeıtilgen alqa májilisinen keıin BAQ ókilderiniń saýalyna oraı.
Onyń atap ótýinshe, memlekettik bilim grantyn utyp alý úshin balalar jaqsy oqýy tıis. Al bul - eń aldymen pedagogterge, sonymen qatar oqýshylarǵa júkteletin mindet.
«Grantqa laıyq bolý úshin jaqsy oqý qajet. Mine, bul merıtokratııa sanalady. Qalaı bolsa solaı grantty taratý durys emes. Eger adam nashar oqysa ári qandaı da bir jolmen dıplom alsa, onda ol erteń eńbek naryǵynda suranysqa ıe bolmaıdy. Sapaly bilimge nazar aýdarǵan jón. Memlekettik qoldaý grant berý arqyly qamtamasyz etiledi. Bilimniń qoljetimdiligin qamtamasyz etý máni de osynda», - dedi Altaı Kólginov.