Joǵary Sot Keńesi pedofılge jeńil jaza kesken sýdıanyń jańa qyzmetke taǵaıyndalýyna qatysty túsinik berdi

<p>Saryaǵashta 5 jasar qyzdy zorlaǵan pedofılge jeńil jaza kesken sýdıa jańa qyzmetke taǵaıyndalǵan bolatyn. Joǵary Sot Keńesi buǵan deıin aýdandyq sottyń tóraǵasy qyzmetin atqarǵan Nurǵazy Shetenovtiń jańa qyzmetine qatysty túsinik berdi, dep habarlaıdy <a href="https://kaz.inform.kz/" target="_blank" rel="noopener">Kazinform.</a></p>

Joǵary Sot Keńesiniń málimetinshe,  Nurǵazy Shetenov óz ótinishi boıynsha Saryaǵash aýdandyq sotynyń tóraǵasy qyzmetinen bosatylyp, osy sottyń sýdıasy bolyp taǵaıyndalǵan.

«Jańalyqtar portaldarynda kóptegen jarııalanymdardyń shyǵýyna baılanysty Joǵary Sot Keńesi kelesini túsindirýdi jón kóredi. Túrkistan oblysy Saryaǵash aýdandyq sotynyń tóraǵasy N.B.Shetenovtiń bergen ótinishine sáıkes ol 2023 jyly 6 qazanda osy sottyń sýdıasy bolyp qaldyryla otyryp, tóraǵa qyzmetinen bosatyldy. Qylmystyq isti qaraý kezinde zańdylyqty óreskel buzǵany úshin N.B.Shetenovti tártiptik jaýapkershilikke tartý týraly tártiptik is Sot jıýrıiniń qaraýynda. Tártiptik is boıynsha sheshim Sot jıýrıi otyrysynyń qorytyndylary boıynsha qabyldanatyn bolady», - dep jazylǵan habarlamada.

Buǵan deıin pedofılge jeńil jaza kesken sýdıa jańa qyzmetke taǵaıyndalǵany jaıly jazǵan bolatynbyz.