Joǵary oqý oryndarynda jasandy ıntellekt kýrsy oqytylady

<p>Elimizdiń birneshe joǵary oqý ornynda Google kompanııasymen birlesip jasandy ıntellekt kýrsy oqytyla bastaıdy, dep habarlaıdy QazAqparat tilshisi.</p>

«Bizdiń mınıstrlik qazir álemdegi sońǵy ǵylymı jańalyqtarǵa, jasandy ıntelleket boıynsha monıtorıng júrgizip jatyr. Memleket basshysy halyqqa joldaýynda jasandy ıntellekt boıynsha birqatar tapsyrmalar berdi. Keminde 3 joǵary oqý orny jasandy ıntellekt kýrsyn bastaýy kerek. Biz búginde Google kompanııasymen birlesip 14 JOO negizinde arnaıy pılottyq kýrsty bastap jatyrmyz. Ol kýrs tabysty túrde júzege asqan jaǵdaıda, kelesi jyldan bastap barlyq joǵary oqý oryndarynda mindetti túrde jasandy ıntellekt kýrsy oqytylatyn bolady», - dedi Ǵylym jáne joǵary bilim mınıstri Saıasat Nurbek elordada ótip jatqan Nobel fest sharasynda.

Mınıstrdiń aıtýynsha, JOO túlekteri jasandy ıntellektpen jumys isteı jaǵdaıǵa jetý kerek.

«Elimizde ǵylym modeliniń reformasy bastalady. Qazir arnaıy zań daıyndalyp jatyr, osy aıdyń sońynda Májilistiń qaraýyna usynylady. Ol zańnyń negizinde ǵylymı zertteýler, jasandy ıntellekt, ǵylymı jańalyqtar ashýlarmen joǵary oqý oryndary aınalysady. Biz ǵylymdy qarjylandyrýdy 3 ese ósirdik. Ǵylymı granttarǵa 650 mlrd teńge bólindi», - deıdi ol.

Aıta keteıik, Astanada Nobel festıvali ótip jatyr.