Joǵary aqy tólenetin jumysqa usynys alsańyz, oılanyńyz: Prokýratýra eskertý jasady

<p>Eger siz jumys izdep kýrer (bólshekteýshi, taratýshy, kladmen, trafaretshi) retinde joǵary aqy tólenetin jumysqa usynys alsańyz, oılanyńyz. Óıtkeni atalǵan jarnama esirtki bıznesine tartýdy jasyryn kózdeýi múmkin. Bul týraly Bas prokýratýra málimdedi.</p>

«Jalǵan tabys týraly habarlandyrýlardaǵy sózder alańdatý qajet. Bul — esirtki satýshylardyń aılasy.

20 jáne 22 jastaǵy eki qyz «jeńil aqsha» tabýǵa sheshim qabyldap, ınternette aqsha tabýdyń ońaı jolyna kezikken. Qylmystyq josparǵa sáıkes kýratorlardyń kórsetken mekenjaılary boıynsha psıhotroptyq zattar men olardyń analogtaryn alyp, bólshektep orap, taratqan.

Sottalýshylar jalǵa alǵan turǵylyqty páterden ólshep oralǵan 50 gramnan astam mefedron tárkilendi», — dep jazdy baqylaýshy organnan.

Sottalýshylardyń sottaǵy sońǵy sózderi: «Qurmetti sot men qatty ókinemin, bul ońaı aqsha boldy, ókinishke qaraı, men muny óte kesh túsindim».

Sot úkimimen sottalýshylardyń árqaısysy 10 jylǵa bas bostandyǵynan aıyryldy.