Joǵarǵy sottyń saıtynda sot anyqtamasy jobasy iske qosylady
«Kóp adam bizdi uranshyl dep unatpaýy múmkin. Azamattar «osy zań ne berdi, aldaǵy zań ne beredi, pılottyq jobalardyń bereri qandaı?» degen syńaıda naqty suraqtardy qoıady. Bul suraqtardyń salmaǵy barshylyq. Bul aınalyp kelgende ádilqazylyqtyń sapasyna qoıylyp jatqan ádiletti suraqtar. Osynaý ótkir ári júıeli saýaldarǵa jaýap berý úshin jańa ónimdi – sot júıesi týraly negizgi aqparattar jınaǵyn iske qosýdy jón kórdik. Osy jobanyń negizinde sot júıesin barynsha ashyq etý qaǵıdaty jatyr», - dedi Jaqyp Asanov qazaqstandyq sottardyń jumysynyń 2019 jyldyń qorytyndysy boıynsha ótken jıynda.
Joǵarǵy sot tóraǵasynyń aıtýyna qaraǵanda, kez kelgen azamat, sarapshy nemese halyqaralyq ınstıtýt kez kelgen ýaqytta sot júıesinde ne bolyp jatqanyn bile alady. Joba aqpan aıynda iske qosylmaq.
«Qazaqstandaǵy ádilqazylyq: qazirgi jaǵdaı, trendter men keleshek» - ataýynyń ózi salmaqty. Jınaq 3 aqpanda bizdiń portalda jaryqqa shyǵady. Sol sebepti sot júıesine qyzyǵatyn kez kelgen adam saıtqa kirip ony kere alady», - dedi ol.
Sonymen qatar, Jaqyp Asanov jınaq alty aı saıyn jańaryp otyratynyn jetkizdi.
«Azamattar endigi kezekte bizdiń jumysty, jobalar men mindetterdi baqylap otyra alady», - dedi Jaqyp Asanov.