Joǵarǵy sotta Halyqaralyq jáne ÚEU ókilderimen Zań ústemdigin qamtamasyz etý tájirıbesi talqylandy (FOTO)
Olardyń qatarynda: BUUDB, EQYU-nyń Astanadaǵy Baǵdarlamalar keńsesi, ıÝNISEF, BUU-nyń adam quqyqtary jónindegi Joǵarǵy komıssarynyń basqarmasy, Búkilálemdik Bank, Halyqaralyq yntymaqtastyq jónindegi nemis qoǵamy (GIZ), Amerıka Qurama Shtattarynyń halyqaralyq damý jónindegi agenttigi (USAID), Ortalyq Azııadaǵy halyqaralyq túrme reformasy (PRI), Qazaqstandaǵy Frıdrıh Ebert atyndaǵy qor, Qazaqstandaǵy amerıkalyq zańgerler qaýymdastyǵy (ABROLI), «KAZAKHSTAN BAR ASSOCIATION» kommertsııalyq zańgerler alqasy», Quqyqtyq saıasatty zertteý ortalyǵy, «Sandj zertteýler ortalyǵy» QQ, Almaty zańgerlik korporatsııasy jáne «Qadir-qasıet» QB bar. Іs-sharaǵa Joǵarǵy Sottyń sýdıalary men apparat qyzmetkerleri de qatysty. Kezdesýde Qazaqstanda quqyq ústemdigin qamtamasyz etýdiń qoldanystaǵy tájirıbesi men birlesken jobalardy iske asyrýdyń barysyna qatysty birqatar máseleler talqylandy. Seriktester aldynda sóılegen sózinde Qaırat Mámı: «Sońǵy on jyl kóleminde birlesken kúsh-jigerimizdiń arqasynda kóptegen is-sharalar atqaryldy. Sot tóreliginiń ulttyq júıesin jańǵyrtý jóninde edáýir jumysty júzege asyrdyq. Aıtalyq, birlesken is-qımyldyń nátıjesinde Qazaqstanda alqabıler soty, ıývenaldy sot tóreligi, medıatsııa ınstıtýttary, sot isin júrgizýde aqparattyq tehnologııalardy qoldaný júıesi engizildi. Azamattyq jáne ákimshilik zańnama, qylmystyq sot tóreligi salalarynda syndarly jumys júrgizilip keledi. Sybaılas jemqorlyqtyń aldyn alý, adam saýdasyna qarsy isqımyl, sottardyń Orhýs konventsııasyn qoldanýy salalaryna qatysty birqatar birlesken jobalar iske asyryldy. «Sot monıtorıngi júıesin jetildirý» jobasy boıynsha jumys jalǵasyn tabýda», - dedi. Kezdesý barysynda Qaırat Mámı Memleket basshysy jarııalaǵan «100 naqty qadam - barshaǵa arnalǵan zamanaýı memleket» Ult jospary sheńberinde Qazaqstannyń sot júıesin reformalaý baǵytynda qolǵa alynyp jatqan sharalar týraly Joǵarǵy Sottyń josparymen bólisti. Bul - úsh satyly sot júıesin qalyptastyrý, Astana qalasynda Halyqaralyq AIFC qarjy sotyn qurý, Joǵarǵy Sotta ınvestıtsııalyq ister boıynsha mamandandyrylǵan alqa jáne Halyqaralyq konsýltatıvtik keńes qurý, sondaı-aq sýdıalardy irikteý júıesin jetildirýge qatysty máseleler. Kezdesý qorytyndysynda taraptar Qazaqstannyń sot organdary men halyqaralyq uıymdardyń birlesken is-qımyly quqyq ústemdigin odan ári ilgeriletýge, sondaı-aq adam quqyǵy men bostandyǵyn qorǵaýǵa ıgi yqpalyn tıgizetindigine senim bildirdi.