Joǵarǵy sotta Dúnıejúzilik bank ókilderimen kezdesý ótti

ASTANA. QazAqparat - Joǵarǵy Sottyń janyndaǵy Sottardyń qyzmetin qamtamasyz etý departamentiniń basshysy Nurserik Sháripov Dúnıejúzilik banktiń joba jetekshisi, memlekettik sektor boıynsha jetekshi maman Valıd Malıkpen kezdesti. Bul týraly QazAqparat Joǵarǵy sottyń baspasóz qyzmetine silteme jasap habarlaıdy.

Іs-sharaǵa Dúnıejúzilik bank jobasyn iske asyratyn mamandar, departamenttiń qurylymdyq bólimsheleriniń basshylary, pılottyq sot tóraǵalary men sýdıalary qatysty.

Kezdesý barysynda sot tóreliginiń tıimdiligin, ashyqtyǵyn jáne qoljetimdiligin arttyrýǵa baǵyttalǵan «Sot tóreligi sektoryn ınstıtýtsıonaldyq nyǵaıtý» jobasyn odan ári iske asyrý máseleleri talqylandy.

Atap aıtqanda, sottarda jańa aqparattyq tehnologııalardy engizý jáne Sot tóreligi akademııasyn damytý máseleleri talqylandy.

Joba sheńberinde sotty ákimshilendirý máselelerine aıryqsha kóńil bólinýde. Máselen, Dúnıejúzilik bank bólip otyrǵan qarajat esebinen sottarda pılottyq joba retinde jeke keńesshi birlikteri (keńesshi, sýdıa kómekshisi, úılestirýshi) engizildi. Alǵan nátıjelerdi eskere otyryp, elimizdiń sottarynda atalǵan laýazymdardy engizýdiń qajettiligi týraly sheshim qabyldanatyn bolady. Qazirgi tańda jobaǵa Astana qalasynyń mamandandyrylǵan aýdanaralyq ekonomıkalyq soty men Saryarqa aýdandyq soty qatysýda.

Kezdesýden keıin Dúnıejúzilik banktiń delegatsııasyna Joǵarǵy Sottyń Ahýaldyq ortalyǵynyń jumysy tanystyryldy. Ol tikeleı rejımde isti qaraýdyń protsestik merzim kórsetkishterin monıtorıngileýge, sot otyrystarynda aýdıobeınetirkeý qurylǵylarynyń jumysyn baqylaýǵa, sot statıstıkasyn qoldanýǵa, sotty qurmettemeý jaǵdaıy men sot protsesterine qatysýshylarǵa tóngen qaýipti tez arada anyqtaýǵa múmkindik beredi.

Sonymen qatar, Dúnıejúzilik bank delegatsııasynyń joba júzege asyrylatyn pılottyq sottarǵa barýy josparlanýda.