Joǵarǵy Sot tóraǵasy memleket qajettiligine alynǵan jerlerdiń quny tym joǵary dep sanaıdy

ASTANA. QazAqparat - Joǵarǵy Sot tóraǵasy memlekettik qajettilikterge alynǵan jerlerdiń quny tym joǵary dep sanaıdy. Bul týraly ol búgin sýdıalardyń alqa otyrysynda málim etti, dep xabarlaıdy QazAqparat.

«Memlekettik qajettilikter úshin satyp alynatyn jerlerge qatysty isterge muqııat zer salǵan durys. Sońǵy jyldary jyljymaıtyn múliktiń, ásirese jerdiń quny birshama túskeni bárimizge belgili. Biraq jerlerdiń keıde tym joǵary baǵamen alynýy saqtalyp otyr. Ońtústikte jol qurylysyna alynǵan jerlerge tym joǵary ótemaqy tólengeni esimizde, sýdıalar taraptarǵa jaqtasyp ketip jatqan joq pa!?», - dedi Q. Mámı.

«Oqıǵaǵa keshendi qaraǵan jón, jalpymemlekettik, jalpyulttyq múdde ustanymy bolýy shart», - dedi Joǵarǵy Sot tóraǵasy.

Qaırat Mámı otyrys barysynda Joǵarǵy Sottyń sýdıalar alqasyn da synǵa aldy.

«Byltyr shilde aıynda biz ár alqada arnaıy otyrystar ótkizdik. Onda naqty mindetter jeke-jeke taldandy. Joǵarǵy Sot alqasynyń jumysynda áli oń ózgeris kórip otyrǵanym joq. Ótken jyly sýdıalar kassatsııalyq sot otyrysynda qaraý úshin 1 172 qoldaýxat túsken, olardyń besten biri negizsiz dep tanyldy. Bul alqanyń ózine biryńǵaı sheshimder joǵyn nemese sýdıalardyń saýatsyzdyǵyn bildiredi. Olar Joǵarǵy Sottyń olardyń aldyna qoıyp otyrǵan maqsat-mindetterdi túsinbeıdi. Osyndaı jaǵdaıda Joǵarǵy Sottyń jergilikti sottar úshin quqyqtyq ustanymdarynyń bedeli týraly qalaı aıta alamyz!?», - dedi ol.