Joǵarǵy sot tóraǵasy Q.Mámı Qazaq ulttyq ýnıversıtetiniń merekelik medalimen marapattaldy
Sondaı-aq osyndaı medalmen QR Joǵarǵy sotynyń qadaǵalaýshy sot alqasynyń tóraǵalary Aqyltaı Qasymov pen Elis Ábdiqadyrov marapattaldy.
Qaırat Mámıge bul marapat ál-Farabı atyndaǵy Qazaq ulttyq ýnıversıteti túlekteri qaýymdastyǵynyń prezıdenti retinde ýnıversıtettiń damýyna qosqan úlesi úshin berildi. Aıta keteıik, bul qaýymdastyq BAQ betterinde atalmysh joǵary oqý orny túlekteriniń kásibı mansaby týraly materıaldar shyǵaryp, tele- jáne radıoarnalarda suhbattar men dóńgelek ústelder uıymdastyrý arqyly ýnıversıtettiń jaǵymdy ımıdjin qalyptastyrýǵa atsalysyp keledi.
Túlekterdiń aıtýly kásibı jetistikterin nasıhattaý maqsatynda elimizdiń joǵary bilim berý júıesinde alǵash ret «Bizdiń elıta» atty eki tomdyq kitap jaryqqa shyqty. Onda Qazaqstannyń alǵashqy klassıkalyq ýnıversıtetin jetildirý men damytýǵa jáne onyń álemdik deńgeıdegi zamanaýı ǵylymı-zertteý ýnıversıtetke aınalýyna yqpal etken, sondaı-aq otandyq irgeli jáne qoldanbaly ǵylymnyń qalyptasýyna zor úles qosqan osy oqý ornynyń aıtýly túlekteri jaıly málimetter berilgen.