Joǵarǵy sot tóraǵasy BAQ ókilderin kásibı merekelerimen quttyqtady
Іs-sharaǵa Joǵary sot organynyń sot alqalarynyń tóraǵalary men sýdıalary, Joǵarǵy sot janyndaǵy Sottardyń qyzmetin qamtamasyz etý departamentiniń basshylyǵy qatysty.
Kezdesýdi asha kele, Q.Mámı: «Saýatty ári júıeli aqparattyq jumys memlekettik bıliktiń kez-kelgen tarmaǵy úshin mańyzdy. Jýrnalısterdiń aqparatty paıymdaý men qaıta óńdeý boıynsha qabilet-qarymy turǵyndar úshin sottar jumysynyń barlyq erekshelikterin ashyp kórsetýge múmkindik beredi», - dedi.
Osy rette emotsııa men boljamdarǵa erik bermeýdiń, áldekimderdiń paıdasy úshin qoǵamdyq pikirdi yqtımal burmalaýdy boldyrmaýdyń mańyzdylyǵy aıtyldy.
Joǵarǵy sot tóraǵasy qazirgi tańda BAQ pen jýrnalıst kásibi birqatar syn-qaterlermen ushyrasyp otyrǵandyǵyn aıtty. Mobıldi ınternet, áleýmettik jelilerdiń múmkindigi men jańa gadjetter árbir adamǵa «psevdo» jýrnalıstke aınalý múmkindigin berip otyr. Osy oraıda BAQ-tyń kásibıligi jáne eń bastysy jýrnalıstıkanyń faktige negizdelgen aqparat taratý, eki taraptyń ustanymyn teńdeı berý, dáıektelgen syn aıtý prıntsıpteri aıryqsha mańyzǵa ıe.
«Biz emotsııaǵa erik bermeı, ahýaldy tolyqtaı zerttep, obektıvti aqparat beretin jýrnalısterdiń materıaldaryn sizderdiń BAQ arqyly kórip kelemiz», - dedi Q.Mámı.
«Habar» agenttiginiń, «Vremıa» gazetiniń, «Zakon.kz» jáne «Informbıýro» portaldarynyń materıaldary jýrnalıstik jumystyń joǵary deńgeıine laıyq dep tanyldy. Atap aıtqanda, Q.Mámı «Vremıa» gazetiniń Qaraǵandy oblysy boıynsha menshikti tilshisi Irına Moskovkanyń eńbegin erekshe toqtalyp, onyń Jezqazǵan turǵynynyń sot ǵımaratynyń aldynda ózin jaraqattaǵan ahýaldyń anyq-qanyǵyna kóz jetkizip, maqala jazǵanyn, sot sheshiminiń logıkasyn túsindirip, áleýmettik jelide órbigen túrli qısynsyz pikirlerdi shyǵarǵanyn atap ótti. Sonymen qatar, 2016 jyly «Zakon.kz» portalynyń bazasynda ótken ınternet-konferentsııanyń tıimdiligi atalyp ótildi. «Konferentsııa tájirıbelik mańyzǵa ıe sot isin júrgizý salasyndaǵy birqatar ózekti máselelerdiń qataryn anyqtap berdi», - dedi Q.Mámı.
Jıynǵa qatysýshylarǵa Ult Jospary men konstıtýtsııalyq reforma sheńberinde sot júıesin jańǵyrtý sharalaryn iske asyrý barysy tanystyryldy.
Іs-shara barysynda Joǵarǵy Sottyń BAQ-pen ózara is-qımyl jónindegi úılestirýshi-sýdıasy Elena Maksıýta, Prezıdent teleradıokesheniniń dırektory, Bas redaktorlar klýbynyń jetekshisi Erlan Bekhojın, «Egemen Qazaqstan» AQ basqarma tóraǵasy Darhan Qydyráli, «Eýrazııa birinshi arnasy» telearnasynyń jáne «Zakon.kz» portalynyń dırektory Sergeı Kısılev, «Vremıa» gazetiniń Qaraǵandy oblysy boıynsha menshikti tilshisi Irına Moskovka sóz sóıledi.
Іs-shara sońynda Qaırat Mámı BAQ ókilderine, BAQ-pen jumys jónindegi úılestirshi sýdıalar men sottardyń baspasóz qyzmetiniń qyzmetkerlerine qurmet gramotalary men estelik syılyqtar tapsyrdy.
Kóp jylǵy, jemisti ári minsiz qyzmeti úshin Almaty qalalyq sotynyń sýdıasy Irına Fedotova men Qaraǵandy oblystyq sotynyń baspasóz hatshysy Gúlbarshyn Jıtıkova ІІ jáne ІІІ dárejeli «Minsiz qyzmeti úshin» medaldarymen marapattaldy.