Joǵarǵy sot sýdıasy ulynyń qylmystyq jaýapkershilikke tartylýyna oraı otstavkaǵa ótinish berdi

ASTANA. QazAqparat - Búgin QR Parlamenti Senaty Konstıtýtsııalyq zańnama, sot júıesi jáne quqyq qorǵaý organdary komıtetiniń keńeıtilgen otyrysy ótti. Onda QR Joǵarǵy sotynyń sýdıalaryn laýazymynan bosatý týraly másele qaraldy.

Komıtet otyrysynda QR Prezıdentiniń QR Joǵarǵy sotynyń sýdıalary Elena Aqmoldaevany jáne Vladımır Borısovty qyzmetinen bosatý týraly usynymyn QR Joǵarǵy soty Azamattyq jáne ákimshilik ister jónindegi qadaǵalaý sot alqasynyń tóraǵasy Elis Ábdiqadyrov oqyp berdi. Bul rette sýdıa E. Aqmoldaevanyń qyzmetinen bosatý týraly usynymǵa onyń otstavka týraly óziniń ótinish berýi negiz bolyp otyr. Otyrys barysynda saýaldarǵa jaýap bergen sýdıa óziniń uly qylmystyq jaýapkershilikke tartylýyna baılanysty ótinish bergenin de alǵa tartty. Al sýdıa V. Borısov jasyna baılanysty qurmetti demalysqa ketýine oraı laýazymynan bosatylatyn bolady.

Talqylaýdan soń komıtet atalǵan máselelerdi Senattyń aldaǵy otyrysynda qaraý týraly sheshim qabyldady. Eske sala keteıik, QR Konstıtýtsııasyna sáıkes, QR Prezıdentiniń usynysy boıynsha QR Joǵarǵy sotynyń sýdıalaryn qyzmetinen bosatý Senattyń erekshe qaraýyna jatady.