Joǵarǵy Sot qyzmetkerleri qarttardyń kóńil-kúıin kóterip qaıtty

ASTANA. QazAqparat - Búgin QR Joǵarǵy Sotynyń azamattyq jáne ákimshilik qadaǵalaýshy alqasynyń tóraǵasy Elis Ábdiqadyrovtyń, QR Joǵarǵy Sot sýdıasy Ulbolsyn Súleımenovanyń jáne QR Joǵarǵy Sot janyndaǵy Sottardyń qyzmetin qamtamasyz etý departamentiniń basshysy Іlııas Ispanovtyń bastaýymen Joǵarǵy Sot ókilderi «Astana qalasy ákimshiliginiń qarttar men múgedekterge arnalǵan áleýmettik-medıtsınalyq mekemesine» bardy.

Atap aıtqanda, bul ıgi shara Otbasy kúnin atap ótýge baǵyttalǵan. Joǵarǵy Sot qyzmetkerleri mekemedegi ómir súrý jaǵdaıymen tanysyp, medıtsınalyq bólimde boldy, sondaı-aq ashanany jáne kitaphanany aralap kórdi. Mekeme qyzmetkerleriniń aıtýynsha, búginde osy kitaphanada qarttar kompıýterlik saýyttylyqqa úırenýde.

Merekelik kóńil-kúı ornatý maqsatynda Joǵarǵy Sot qyzmetkerleri kontserttik baǵdarlama uıymdastyrdy, baǵdarlamaǵa vokaldyq jáne bı nómirleri endi. Іlııas Ispanov búgingi shara barysynda qarttardyń kóńil-kúıi kóterilgenin aıta kele, «Qala turǵyndary osy mekemedegi qarttarǵa shamasy kelgenshe nazar aýdarǵany jón. Adamdar ózderiniń shamaly ýaqytyn bólip, kelgenderiniń ózi qarttarǵa jaqsy áser etedi»,- dedi.

Kezdesý barysynda otbasy men otbasylyq dástúrler barlyq ýaqytta halqymyz úshin basty qundylyqtar bolyp kelgeni týraly aıtyldy. Adamgershilik, ádildik, tabandylyq pen jaýapkershilik sııaqty adamı qasıetterge tárbıeleý otbasynan bastaý alady. Otbasy neǵurlym yntymaqty bolsa, memleket te soǵurlym nyǵaıa túsetni de sóz boldy.

Kezdesý sońynda Joǵarǵy Sot qyzmetkerleri estelik retinde turmystyq tehnıkalardyń birneshe túrin tabystady.

Áleýmettik mekemede 300-ge jýyq adam turady. Olardyń kóbi - týa bitken aýrýǵa shaldyqqan múgedekter. Atalǵan mekemede belsendi uzaq ómir súrýge yqpal etetin barlyq áleýmettik-medıtsınalyq qyzmetter keshendi túrde kórsetiledi.

Otbasy kúni Elbasy Nursultan Nazarbaevtyń bastamasymen qyrkúıektiń ekinshi jeksenbisine belgilendi. Osy ataýly kúnde elimizdiń barlyq kúnderinde aýqymdy merekelik sharalar uıymdastyrylýda.