Joǵarǵy Sot: Bas bostandyǵynan aıyrýǵa sottalǵandardyń sany 2,5 myń, 97 adam aqtalǵan
Bul týraly Joǵarǵy Sottyń baspasóz qyzmeti habarlady.
Beınekonferentsııa rejımindegi keńes jumysyna qadaǵalaýshy sot alqalarynyń tóraǵalary A.Qasymov jáne E.Ábdiqadyrov, Qazaqstan Respýblıkasy Joǵarǵy Sotynyń janyndaǵy Sottardyń qyzmetin qamtamasyz etý departamentiniń (Joǵarǵy sot apparatynyń) basshysy M.Jumaǵulov jáne Departamenttiń qurylymdyq bólimsheleriniń basshylary, sondaı-aq oblystyq jáne oǵan teńestirilgen sottardyń tóraǵalary men alqa tóraǵalary, sýdıalar jáne oblystyq sottardyń keńse basshylary qatysty.
B.Beknazarov respýblıka sottarynda atqarylǵan jumys nátıjelerine toqtaldy. Statıstıkalyq esepke sáıkes, azamattyq ister boıynsha qabyldanǵan sheshimderdiń 92,2 paıyzyna protseske qatysýshy taraptar shaǵym nemese narazylyq keltirmegen. Qylmystyq ister boıynsha bul kórsetkish 83,5, al ákimshilik quqyq buzýshylyq ister boıynsha 98,2 paıyz. Bas bostandyǵynan aıyrýǵa sottalǵandardyń sany 2,5 myń, 97 adam aqtalǵan. Alqabılerdiń qatysýymen 73 azamatqa sot úkimi shyǵarylǵan, onyń ishinde 6-ýy aqtalǵan, 67-si kináli dep tanylǵan. Qylmystyq jáne azamattyq isterdi qaraý barysynda is júrgizý merzimderin buzý anyqtalmaǵan.
Keńeste QR Joǵarǵy Sotynyń Tóraǵasy sot júıesiniń aldynda turǵan negizgi mindetterdi atap kórsetti. Jyldyń sońynda respýblıka sýdıalarynyń VІ seziniń ótkizilýi úlken jaýapkershilikti júkteıdi. B.Beknazarov atalǵan sharany ótkizýde tehnıkalyq jáne aqparattyq uıymdastyrý ǵana emes, másele VІ sezde bizdiń atqarǵan qyzmetimizdiń nátıjesine kelýimiz qajettigin aıtty. Sot júıesi qyzmetkerlerine sot qyzmetindegi zańdylyqty kúsheıtýdi, ashyqtyqty, sot tóreligin sapaly júzege asyrýdy qamtamasyz etýdi tapsyrdy.
B.Beknazarov sýdıalardyń V sezi ótkennen keıin azamattardyń konstıtýtsııalyq quqyqtaryn qorǵaý kepildigi jáne sot bıliginiń táýelsizdigin nyǵaıtý jolynda sot júıesiniń odan ári damýy aıqyndalatynyn atap kórsetti.
Sot tóreligin izgilendirý, sot bıligin demakratııalandyrý jolynda, naqty qadamdy sheshimderdiń arqasynda sot júıesinde tereńdetilgen jańartýlar júrgizildi. Sot tóreliginiń ashyqtyǵy men jarııalyǵyn qamtamasyz etý jáne jergilikti jerde isterdi qaraý sapasy, jergilikti sottardyń rólin kúsheıtý, sot tóreliginiń qoljetimdiligin qamtamasyz etý jáne sot bıligi organdarynda sybaılas jemqorlyqtyń aldyn alý jolynda birqatar zańdar qabyldandy.
Qazaqstan Respýblıkasy Joǵarǵy Sotynyń Tóraǵasy 1 maýsymǵa deıin, sot tóraǵalaryna ınternet resýrstyń jumysyn tıisti deńgeıde qamtamasyz etýdi, Qazaqstan Respýblıkasy Joǵarǵy Soty janyndaǵy Sottardyń qyzmetin qamtamasyz etý departamentine qazirgi zamanǵa sáıkes, sot ákimshiliginiń jańa baǵdarlamasyn daıyndaý múmkinshiligin qarastyrýdy tapsyrdy.
Sonymen qatar, sot tóraǵalaryna medıatsııany damytýǵa qatysty nasıhattaý jumystaryn jandandyrý júkteldi.
Bektas Beknazarov qorytyndy sózinde, sot tóraǵalaryna alǵa qoıylǵan mindetterdi oryndaý jáne sot isin júrgizý tıimdiligin arttyrý maqsatynda, sondaı-aq áýre-sarsańǵa salýǵa jol bermeý úshin aryz sotqa túsken kezden jáne is júrgizýge qabyldanǵan kezden bastap, dáleldi sheshim shyqqanǵa jáne is sot keńsesine ótkizilgenge deıin istiń júrgizilý tártibin qadaǵalaýdy tapsyrdy.