Joǵarǵy Bas Qolbasshy kýbogy: Qoıan-qoltyq urystan IV Ashyq respýblıkalyq týrnır ótedi
14:08, 20 Qarasha 2018
ASTANA. QazAqparat - Astanada qoıan-qoltyq urystan jáne áskerı qoıan-qoltyq urystan QR Qarýly Kúshteriniń Joǵarǵy Bas qolbasshysynyń kýbogy sarapqa salynatyn IV Ashyq respýblıkalyq týrnır ótedi, dep habarlaıdy QazAqparat Qorǵanys mınıstrliginiń baspasóz qyzmetine silteme jasap.
Týrnır Qazaqstan Respýblıkasynyń Tuńǵysh Prezıdenti kúnine oraı ótedi. Qazaqstan Respýblıkasy Qarýly Kúshteriniń Joǵarǵy Bas qolbasshysy kýbogynda kúsh synasý úshin ashyq týrnırge 30 qurama komanda sapynda 400-den astam sportshy qatysady.
Týrnırdiń fınaldyq kezeńine Búkilqazaqstandyq qoıan-qoltyq urys qaýymdastyǵynyń prezıdenti - QR Qorǵanys mınıstri Nurlan Ermekbaev qatysady.