Joǵarǵy Sot balasyn oqýǵa jibermegen ata-anaǵa qatysty isti qarady

<p>ASTANA. KAZINFORM &ndash; Joǵarǵy Sot oramal taǵýyna baılanysty onyń balalaryn oqý protsesine jibermeý boıynsha áreketterdi zańsyz dep taný týraly jalpy bilim beretin orta mektepke qatysty ata-ananyń talap qoıýy boıynsha ákimshilik isti qarady.</p>

Bilim alý quqyǵy Qazaqstan Respýblıkasy azamattarynyń negizgi konstıtýtsııalyq quqyqtarynyń biri bolyp tabylatyndyqtan, Joǵarǵy Sot apellıatsııalyq satynyń qorytyndylarymen kelisti (Mamandandyrylǵan aýdanaralyq ákimshilik sotynyń sheshimi buzylyp, talap qoıýdy qanaǵattandyrý týraly jańa sheshim shyǵaryldy).

Bul rette, sot alqasy bilim berý mekemesinde oramal taǵýdyń zańdylyǵy boıynsha máseleni talqylaǵan joq.

Orta bilim berý uıymdary úshin mindetti mektep formasyna talaptardy bekitý jónindegi ókilettikterge beıindi Mınıstrlik ıe ekenin atap ótemiz. Mınıstrdiń tıisti buıryǵy zańsyz dep tanylmady jáne joıylǵan joq.

Ata-analar mektep jarǵysy men mektep formasyna qoıylatyn talaptardy saqtaýǵa jaýapty.

Ata-analardyń balalardy tárbıeleý men oqytý, quqyqtary men múddelerin qorǵaý jónindegi ózine alǵan jáne zańmen belgilengen mindetterin oryndamaýy zańda belgilengen, onyń ishinde Ákimshilik quqyq buzýshylyq týraly kodekste kózdelgen jaýaptylyqqa ákep soǵady.

Atyraý, Qaraǵandy, Pavlodar, Túrkistan oblystarynyń sottary oqýshylardy oqý protsesine jibermeý boıynsha isterdi qaraý kezinde osyndaı qorytyndyǵa keldi.

Bul óńirlerdiń sot aktileri zańdy kúshine engen joq.

Aıta keteıik, bıyl 240 myń oqýshy men ata-anaǵa psıhologııalyq kómek kórsetildi.

QR Joǵarǵy soty mektepte qyz balalarǵa oramal taǵýǵa salynǵan tyıym alynbaǵanyn málimdedi.