Jobalarǵa grant bóletin kezde tutynýshylardyń kózqarasy eskerilýi kerek - Aıgúl Soloveva

NUR-SULTAN. QazAqparat - Ekologııalyq uıymdar qaýymdastyǵynyń tóraıymy Aıgúl Soloveva ártúrli jobalarǵa qarajat bólýdiń oryndylyǵy týraly pikirimen bólisti, dep habarlaıdy QazAqparat tilshisi.

«Biz І Azamattyq forýmnan beri memleket, bıznes jáne qoǵamnyń seriktestigi týraly kóp aıttyq, sondyqtan taqyryp ózekti. Búginnen bastap ártúrli jobalardy júzege asyrý úshin qandaı bıýdjet qarajaty bólinedi degen suraq týyndaıdy. Árıne, onyń óz mehanızmi bolýy kerek», - dedi Aıgúl Soloveva áleýmettik saraptamany áleýmettik ómirdiń barlyq salasynda engizý týraly onlaın-pikirsaıys barysynda.

Onyń aıtýynsha, eger áńgime «memlekettik áleýmettik tapsyrys» týraly bolsa, onda ol belgili bir maqsatty toptarǵa, osy máselelerdi sheshýge muqtaj tutynýshylarǵa baǵyttalýy kerek.

«Granttardy, memlekettik áleýmettik tapsyrystardy nemese jeńildikter men bonýstardy jasamas buryn tutynýshylardyń oǵan qalaı qaraıtynyna nazar aýdarý kerek. Qarajat keıbir qoǵamdyq uıymdarǵa sarqylmaıtyn keıbir is-áreketterdi júzege asyrý úshin emes, tek óz qyzmetkerleriniń shaǵyn tobyn ustap otyrý úshin ǵana bólinedi. Sondyqtan meniń oıymsha, saýalnama bolýy kerek», - deıdi spıker.

Onyń pikirinshe, Azamattyq Alıanstyń róline negizdelgen, ózara tıimdi úshjaqty yntymaqtastyq bolýy kerek.

«Bul rette ózara tıimdilik máselesine basa nazar aýdarý kerek. Meniń oıymsha, bul oryndy. Azamattyq Alıans qabyldaýy kerek, óıtkeni oǵan qoǵamdyq uıymdar kiredi», - deıdi ol.