Jınalǵan dándi daqyldardyń kólemi jaǵynan Jetisý oblysy alǵashqy tórttikte

<p>Bıyl jınalǵan dándi daqyldar óniminiń kólemi boıynsha Jetisý oblysy respýblıkada alǵashqy tórttikte tur. Aldaǵy eki jyl kóleminde óńirde 1 mln tonna dándi daqyl jınaýǵa tolyq múmkindik bar. Bul jaıynda búgin Jetisý oblysynyń ákimi Beıbit Isabaev Astana qalasynda ótken brıfıngide aıtty, dep habarlaıdy <a href="https://kaz.inform.kz/" target="_blank" rel="noopener">Kazinform.&nbsp;&nbsp;</a>&nbsp;</p>

Agroónerkásip keshenin tıimdi damytý – Jetisý oblysynda basym baǵyttardyń biri. Osy rette bıyl oblystyń agroónerkásip keshenin damytýǵa 31,9 mlrd teńge baǵyttalǵan, sonyń 80%-y, ıaǵnı 25,4 mlrd teńgesi – sýbsıdııa.

«Osy jyly aýyl sharýashylyǵy daqyldary 324 myń gektarǵa sebilip, 870 myń tonna astyq jınaldy. Ortasha ónimdiligi gektaryna 27 tsentnerden aınaldy. Bul rette bıyl jınalǵan dándi daqyldardyń jalpy óniminiń kólemi jaǵynan Jetisý oblysy respýblıkada alǵash ret 4-shi kórsetkishke ıe bolyp otyr. Aldaǵy eki jyl ishinde óńirde 1 mln tonna dándi daqyl jınaýǵa tolyq múmkindigimiz bar», - dedi B.Isabaev.

Spıkerdiń sózine súıensek, oblysta 120 aýyl sharýashylyǵy ónimin óńdeıtin kásiporny jumys isteıdi. Olar 10 aıda 70,2 mlrd teńgeniń azyq-túligin óndirgen. Bul ótken jyldyń sáıkes kezeńimen salystyrǵanda 23% artyq. Óńirdegi aýyl sharýashylyǵy shıkizatynyń shamamen 35 paıyzy oblystaǵy kásiporyndarda qaıta óńdeledi.

Sol sııaqty «Іri jobalar» boıynsha aldaǵy eki jylda 25 mlrd teńgege 10 iri joba iske asyrylatyn bolady. Al «Aýyl amanaty» jobasy aıasynda respýblıkalyq bıýdjetten 3,2 mlrd teńge bólinip, ıgerildi.