Jylýsyz qalǵan Aqtaý turǵyndarynan ákim keshirim surady
13:33, 10 Jeltoqsan 2023
<p>Aqtaýda magıstraldy qubyrdyń jarylýynan birneshe shaǵynaýdan jylýdan ajyratyldy. <a href="https://kaz.inform.kz/" target="_blank" rel="noopener">Kazinform</a> bul týraly qala ákimdiginiń áleýmettik jelidegi <a href="https://www.instagram.com/p/C0qcWG0o0gK/" target="_blank" rel="noopener">paraqshasyna </a>silteme jasap habarlaıdy. </p>
Aqtaý qalasynyń ákimi Ulyqbek Tnalıevtiń aıtýynsha, magıstraldyq qubyrdaǵy aqaýdy joıýmen mamandar aınalysyp jatyr.
«Birneshe shaǵynaýdanda jylý berýge ýaqytsha shekteýler engizildi, sabyrlyq tanytyp, kútýdi suraımyn... Joǵary shaǵyn aýdandardy jylýmen qamtıtyn magıstraldyq 800 mm-lik qubyrda aqaý shyqty. Kommýnaldyq qyzmetter osynda, jóndeý jumystaryn júrgizip jatyr. Jaǵdaı meniń baqylaýymda», - dedi qala basshysy.
U.Tnalıev apat ornynan vıdeo jarııalap, keltirilgen qolaısyzdyqtar úshin turǵyndardan keshirim surady. Kommýnaldyq mamandar aqaýdy keshke deıin jóndep, qalypqa keltirýdi josparlap otyr.