Jylýmen qamtý: Qaraǵandy oblysynda 31,5 mlrd teńgeniń 14 jobasy qolǵa alyndy

<p>ASTANA. KAZINFORM &ndash; Qaraǵandy, Balqash, Temirtaý jáne Shahtınsk qalalarynda ınjenerlik ınfraqurylymdy jańǵyrtý boıynsha 14 joba iske asyrylýda. Bul týraly oblys ákimi Ermaǵanbet Bólekpaev málimdedi.&nbsp;</p>

«Qaraǵandy oblysynda ınjenerlik ınfraqurylymdy jańǵyrtý jumystary jalǵasýda. Qaraǵandy, Balqash, Temirtaý jáne Shahtınsk qalalarynda 31,5 mlrd teńgege 14 joba iske asyrylýda. 17 shaqyrym magıstraldyq jylý jelileri retke keltirildi. Bul jelilerdiń tozýyn 64,4%-ǵa deıin tómendetedi», - dedi óńir basshysy. 

Oblystyń turǵyn úı-kommýnaldyq sharýashylyǵy salasynda sońǵy 30 jyldaǵy eń iri jobalardyń biri qolǵa alynýda. Bul Qaraǵandy qalasyndaǵy úshinshi jylý berý núktesiniń qurylysy.

«Qazan aıynda jylý magıstrali iske qosyldy. Jospar boıynsha jeti jyl ishinde úshinshi jylý ortalyǵy 1,2 mln sharshy metr turǵyn úıdi jylýmen qamtamasyz ete alady. ıAǵnı, 20 myńnan astam páterdi qamtıdy», - dep atap ótti Ermaǵanbet Bólekpaev.

Sonymen qatar ákim shalǵaıdaǵy eldi mekenderdi aýyz sýmen qamtamasyz etýge erekshe kóńil bólinetinin atady. 

«Bıyl 14 aýyl sapaly sýmen qamtyldy. Qazir aýyz sý qubyry bir jarym myń turǵynnyń úıine tartyldy. 26 aýylda shaǵyn blok-modýlder ornatylýda. Bul ilki sharalar oblys halqynyń 97,6%-yn sapaly sýmen qamtýǵa jol ashty», - dedi oblys basshysy.

Sondaı-aq jeke sektordy gazdandyrý jumystary jalǵasýda. Gaz jelileri 7621 úıge tartyldy. Onyń 3573-i tabıǵı gazǵa qosylǵan.

Aıta keteıik, Qaraǵandy oblysynda jyl sońyna deıin 500 myń sharshy metr turǵyn úı salynady. 

Óńir ekonomıkasyna jyl basynan beri 680 mlrd teńge ınvestıtsııa quıyldy. 

Odan bólek, Qaraǵandy oblysy eldiń jumysshy mamandyqtar daıyndaý ortalyǵyna aınalmaq. 

Sondaı-aq Qaraǵandy oblysynda 1 myń shaqyrymnan astam jol jóndelgeni habarlandy. 

Buǵan deıin oblys ákimi Saranda jańadan salynǵan jylý qazandyǵy nege tolyq jumys istemeı turǵanyn túsindirgen edi.