«Jylý joq»: Oralda kópqabatty úıdiń turǵyndary shaǵymdandy

<p>Oral qalasynda kópqabatty úıdiń turǵyndary jylýdyń joqtyǵyn aıtyp shaǵymdandy, dep habarlaıdy <a href="https://kaz.inform.kz/" target="_blank" rel="noopener">Kazinform.&nbsp;</a></p>

Zachagan kentindegi Murat Móńkeuly kóshesi 83/2-mekenjaıda turatyn turǵyndar 30 qarasha kúni keshkisin kóshege shyǵyp, Shaǵan polıtsııa bólimi bastyǵynyń atyna shaǵym jazdy.

Olardyń sózine qaraǵanda, 156 páterlik úıde jylýdyń bolmaǵanyna tórtinshi kún. Páterler salqyn bolǵandyqtan, balalar aýyra bastaǵan. Osy úıge qyzmet kórsetetin «Kazbatysservıs» PIK pen «Jaıyqjylýqýat» AQ qımylsyz otyr.

Atalǵan úıde turatyn Ardaq Muratqyzynyń aıtýynsha, qazandyq negizi 3 úıge arnalǵan. Al qazir 11 úıge jylý berip tur. Óziniń qýattylyǵynan 3-4 ese artyq júkteme túsip tur. Sondyqtan da kúshi jetpeıdi. 

Foto: Ǵaısaǵalı Seıtaq/Kazinform

«Túnde jylýdy aıyryp tastaǵan krandy ashqyzyp, ózimiz qostyryp aldyq. Biraq ýaqytsha. Búgin tańerteń ákimdikten, «Jaıyqjylýqýattan», PIK-ten bárinen mamandar kelip, sorǵyny aýystyrmaqshy», - dedi A.Muratqyzy.

Zachagan kenti okrýgi ákimdigi munyń jylda bolatyn másele, kiltıpan jertóledegi sorǵyda ekenin jetkizdi. Jylý ishinara páterlerde qanjylym bolǵan.

«Qazirgi kezde jylýdy qyzmet kórsetýshi kompanııa men «Jaıyqjylýqýat» ókilderi baqylaýda ustap otyr», - dep habarlady vedomstvodan.