Jylý jelilerin jańǵyrtý qarqyny tómen – Oljas Bektenov

<p>ASTANA. KAZINFORM &ndash; Jylý jelilerin jańǵyrtý qarqyny tómen. Búgin Úkimet basshysy Oljas Bektenov osyndaı málimdeme jasady.</p>

«Roman Sklıar meniń tapsyrmam boıynsha problemasy kóp obektilerdi aralap júr. Taıaýda ǵana Qaraǵandy oblysyna baryp keldi. Roman Vasılevıch, jalpy jergilikti jerlerde shuǵyl sheshimder men barynsha qatań sharalardy qabyldańyz. Jóndeý jumystarynyń sapasyna erekshe nazar aýdarýdy suraımyn. Jylý jelilerin jańǵyrtý qarqyny da tómen», - dedi Oljas Bektenov Úkimet otyrysynda.

Premer-Mınıstrdiń aıtýynsha, ázirge josparlanǵan jumys kóleminiń 25%-y da oryndalmaǵan.

«Óńirler arasynda Aqmola, Aqtóbe, Atyraý jáne Mańǵystaý oblystarynda jylý jelileriniń daıyndyǵy tómen. Jylý jelilerin jańǵyrtý jumystary negizinen respýblıkalyq bıýdjet qarajaty esebinen ǵana júrgizilip otyrǵanyn aıta ketý kerek», - deıdi ol.