Jylqy etin jep kórgimiz keledi – kóshpendiler oıyndaryna kelgen nıderlandtyq fotojýrnalıster

<p>ASTANA. KAZINFORM &ndash; Djonna Elızavet Raıter pen Erık Ýolf &ndash; V Dúnıejúzilik kóshpendiler oıyndaryna Nıderland elinen arnaıy kelgen fototilshiler. Oıyndy tamashalap júrgen qonaqtardy áńgimege tartqan edik.</p>

Sheteldik meımandar elimizge alǵash kelipti. Olar Qazaqstanda bir aptadaı bolýdy josparlap otyr.

«Qazaqstanǵa alǵash kelip otyrmyz, aldymen kózge túskeni halyq – qonaqjaı. Búgin keldik, áli oıyndardy tamashalap úlgermedik, Qazaqstan týraly kóbirek bilgimiz keledi. Meniń jeke saıtym bar, kóshpendiler oıyndarynyń fotolaryn sol jerde jarııalaıtyn bolamyn», - dedi Djonna Elızavet Raıter.

Eýropalyq qonaqtarǵa kóshpendiler oıyndaryndaǵy atmosfera unap jatyr, ásirese mýzyka. Sondaı-aq, ázirge qazaqtyń ulttyq taǵamdarynyń dámin tatpaǵanyn aıtty. 

Foto:Dáýlet Іztileý/Kazinform

«Jylqy etin jep kórgimiz keledi, sebebi bizdiń elde jylqy etinen jasalatyn taǵam joq», - deıdi ol.

Odan bólek, Nıderlandtan jetken meımandar kókpar, kókbóri jáne sadaq atý oıyndaryn tamashalaıtynyn aıtty.

Eske sala ketsek, Astana ótip jatqan V Dúnıejúzilik kóshpendiler oıyndaryna qatysýshy elder 10 sport túrinen synǵa tústi. 

Aıta keteıik, 9 qyrkúıektiń qorytyndysy boıynsha Qazaqstan medaldar kestesinde kósh bastady. Keshe bizdiń sportshylar qorjynǵa 14 altyn, 3 kúmis jáne 8 qola medal saldy.