Jylqy etiniń baǵasynda ózgeris bola ma – mınıstr jaýap berdi

<p>ASTANA. KAZINFORM &ndash; Aýyl sharýashylyǵy mınıstri Aıdarbek Saparov jylqy etiniń baǵasyna qatysty pikir bildirdi.</p>

«Jylqy eti qymbattamaıdy. Óıtkeni, elimizde jylqy sharýashylyǵy jaqsy damyp kele jatyr. 4 mln bastan artyq jylqy bar. Sondyqtan da jylqy eti qymbattamaıtyndyǵy anyq», - dedi mınıstr Úkimet otyrysynan keıingi brıfıngte. 

Aıta keteıik, bıyl qysta Ulytaý oblysynda 360 bas jylqy qyrylǵan bolatyn. 

Biraq, bul da túpkilikti derek emes. Qazirgi ýaqytta óńirde ólgen jylqylardy anyqtaý baǵytynda jumys júrgizilip jatyr. Ólgen jylqylardy ıeleri de tabylar emes.