Jylytý maýsymy bastalǵaly Pavlodardaǵy jer úılerden 60 órt shyqqan

<p>PAVLODAR. KAZINFORM - Bes adam tilsiz jaýdyń qurbany bolǵan. Órtten kelgen jalpy shyǵyn 10 mln teńgeden asyp otyr.</p>

Mundaı statıstıkany óńirlik tótenshe jaǵdaılar departamentiniń mamandary usyndy.

Memlekettik órt baqylaý basqarmasy bastyǵynyń orynbasary Berik Omarovtyń aıtýynsha, jylý berý maýsymy bastalǵaly Pavlodar oblysyndaǵy turǵyn úıler sektorynda 60 órt tirkelgen.

Keleńsiz jaıttar adamdardyń abaısyzdyq tanytýynan, elektr jabdyqtaryn ornatý men iske qosý qaǵıdalaryn durys oryndamaýynan, pesh qondyrǵylaryn paıdalaný barysynda órt qaýipsizdigi erejelerin elemeýinen týyndaıdy.

«Órtten kelgen jalpy shyǵyn 10 mln teńgeden asty. Bes adam qurban bolyp, taǵy jeteýi jaraqat alǵan. Al bıylǵy jyl basynan saýda nysandarynda 20 órt oqıǵasy tirkelip, keltirilgen materıaldyq shyǵyn kólemi 8 mln teńgeden asqan» dep habarlady B.Omarov.