Jylyoılyqtar qalypty tirlikke orala bastady

<p>ASTANA. KAZINFORM &ndash; Jylyoı aýdanynyń Qulsary qalasynda sý tasqynynan zardap shekken ınfraqurylymdy qalpyna keltirý jumystary jalǵasýda. Sońǵy táýlikte 55 úı gazǵa, 25 úı elektr qýatyna qosyldy.</p>

Búginde 2564 úıden sý ketti, sorylǵan sýdyń jalpy kólemi 3 mln tekshe metrden asady.

«Zalaldy baǵalaý jáne óteý jónindegi komıssııa 2716 ótinish qabyldap, 600-den astam úıge tehnıkalyq tekserý júrgizdi. Sondaı-aq Qulsarynyń 3600 turǵyny 100 AEK mólsherinde birjolǵy materıaldyq tólem aldy. Ol úshin jergilikti bıýdjetten 1,3 mlrd teńge bólindi. Sý ketken aýmaqta dezınfektsııalyq jumystar, sondaı-aq qalany sanıtarlyq tazartý jumystary bastaldy. Sońǵy táýlikte 975 tonna qoqys shyǵaryldy», - dedi Atyraý oblysy ákiminiń baspasóz hatshysy Rýslan Jumaǵazıev OKQ alańynda ótken brıfıngte.

Mahambet jáne Inder aýdandarynda Jaıyq ózeniniń jaǵalaýyn nyǵaıtý jumystary 100% aıaqtalǵan. Atyraý qalasynda bul baǵyttaǵy jalǵasyp jatyr.