Jylyoı aýdanynda medıtsınalyq uıymdar shtattyq rejımde jumys istep jatyr

<p><a target="_blank">QULSARY. </a>KAZINFORM - Atyraý oblysy Jylyoı aýdanynda medıtsınalyq uıymdar shtattyq rejımde jumys istep jatyr. Bul týraly oblystyq jedel shtabtan habarlady.</p>

«Jylyoı aýdanyndaǵy jaǵdaıǵa qaramastan, barlyq medıtsınalyq uıymdar shtattyq rejımde jumys isteıdi. Qosymsha dárigerler men jedel medıtsınalyq járdem brıgadalary tartyldy. Barlyq evakýatsııalanǵan halyqty dárigerler tekseredi», - delingen habarlamada.

Eske salaıyq, aýdanda jedel jeli iske qosyldy. Kómekke muqtaj turǵyndar [phone] nómirine habarlasa alady.

Qulsary qalasynda 500 úıdi tasqyn sý basyp, 2400 adam kóshirilgen bolatyn.

Qazirgi jaǵdaıǵa baılanysty Qulsary qalasyna qosymsha tehnıkalar kelip jatyr.