Jylyoı aýdanynda 1866 otbasy bir rettik áleýmettik kómek qarjysyn aldy

<p>ATYRAÝ. KAZINFORM &ndash; Atyraý oblysynyń Jylyoı aýdanyndaǵy tasqyn sýdan zardap shekken 1866 bir rettik áleýmettik kómek qarjysyn aldy.</p>

Atyraý oblystyq jumyspen qamtýdy úılestirý men áleýmettik baǵdarlamar basqarmasynyń basshysy Azamat Mámbetovtiń aıtýynsha, bir rettik tólem alýǵa nıetti otbasylar kóbeıgen. 

«Qazir Jylyoı aýdanyndaǵy 3266 otbasynan bir jolǵy tólem alýǵa ótinish tústi. Aýdandyq jumyspen qamtý jáne áleýmettik baǵdarlamar bóliminiń qyzmetkerleri sý tasqynynan zardap shekken otbasylardyń ótinishin táýlik boıy qarap jatyr. Búginge deıin atalǵan aýdandaǵy 1866 otbasyna 100 aılyq eseptik kórsetkish mólsherindegi 369 myń 200 teńgeden bir rettik áleýmettik tólem berildi. Osyǵan baılanysty tólengen qarjynyń jalpy somasy 688,9 mln teńgeni qurady», -dedi Azamat Mámbetov. 

Eske sala ketelik, buǵan deıin Jylyoı aýdanynan 1942 otbasy bir rettik áleýmettik kómek alýǵa ótinish bergenin habarlaǵan edik.