Jyldar boıy shetelde qashyp júrgen 3 qylmysker elge qaıtarylyp, sottaldy

<p>ASTANA. KAZINFORM — Bas prokýratýra halyqaralyq izdeýdegi 3 adamdy taýyp, sottalýyna muryndyq boldy. </p>

Prokýratýra organdarynyń baǵyttarynyń biri halyqaralyq-quqyqtyq yntymaqtastyq salasy bolyp tabylady.

2023 jyldyń qańtar aıynan bastap búgingi kúnge deıin elordada qylmystyq quqyqbuzýshylyq jasaǵan 8 qylmysker ekstradıtsııalandy.

Qazirgi tańda ekstradıtsııalanǵandardyń úsheýi sottaldy.

Telegram qosymshasyn paıdalaný arqyly «mefedron» psıhotroptyq zatyn iri kólemde zańsyz satqany úshin izdeýdegi qylmysker 10 jylǵa bas bostandyǵynan aıyryldy.

Ol 2 jyl boıy izdeýde bolǵan.

Ekinshi aıyptalýshy qarjylyq pıramıda quryp, oǵan azamattardan zańsyz úlestik jarna alǵany úshin 6 jylǵa bas bostandyǵynan aıyryldy.

Kelgen shyǵyn — 85 mln teńgeden astam.

Úshinshi qylmysker asa iri mólsherde bóten múlikti talan-tarajǵa salǵany úshin 7 jylǵa sottaldy.

Elorda prokýratýrasy halyqaralyq-quqyqtyq yntymaqtastyq salasynda quqyq qorǵaý jáne memlekettik organdardy turaqty negizde úılestiredi.