«Jyl volonteri» halyqaralyq syılyǵyn taǵaıyndaý qaǵıdalary ózgeredi

<p>ASTANA. KAZINFORM &ndash; Mádenıet jáne aqparat mınıstri Aıda Balaeva &laquo;Jyl volonteri&raquo; syılyǵyn taǵaıyndaý erejelerin ózgertý jobasyna qol qoıdy. Endi jeńimpaz volonterler memleketten 100 AEK kóleminde, ıaǵnı 362 myń teńge syıaqy alady.</p>

«Jyl volonteri» halyqaralyq syılyǵy – áleýmetke baǵyttalǵan, qoǵamdyq paıdaly mindetterdi sheshýge úles qosqan úmitkerlerge beriletin respýblıkalyq bıýdjet týraly zańmen belgilengen aılyq eseptik kórsetkishtiń júz eselengen mólsherindegi aqshalaı syıaqy», - delingen qujatta.

«Jyl volonteri» syılyǵy endi birneshe baǵyt boıynsha beriledi:

- jeke volonterlik qyzmet;

- volonterlik bastamalar nemese jobalar.

Sondaı-aq, joba avtorlary 15 jańa nomınatsııany engizýdi usynady.

Halyqaralyq volonterlik - Qazaqstan Respýblıkasynyń, sondaı-aq elden tys uıymdardyń jobalaryn qoldaý úshin qyzmetin, bilimin, resýrstaryn usynatyn jaqyn jáne alys shetelderdiń belsendi volonterlerine, volonterlik uıymdar men toptarǵa beriledi.

«Kúmis» volonterlik - 63 jastan joǵary azamattardyń qatysýymen belsendi volonterlerge, volonter uıymdarǵa jáne toptarǵa beriledi, olar aǵa býyn azamattaryn nasıhattaıdy jáne volonterler qyzmetine qatysady.

Inklıýzıvti volonterlik - belsendi volonterler men volonterlik uıymdarǵa jáne toptarǵa eriktilik qyzmetine ártúrli qabiletteri nemese erekshelikteri bar adamdardy tartqany úshin beriledi.

Medıtsınadaǵy volonterlik – patsıentterge, otbasylarǵa jáne densaýlyq saqtaý qyzmetkerlerine qoldaý kórsete otyryp, medıtsınalyq mekemelerde erikti túrde kómek kórsetetin belsendi volonterlerge, volonter uıymdarǵa jáne medıtsınalyq qyzmet kórsetý toptaryna beriledi.

Áleýmettik eriktilik – belsendi volonterlerge, volonterlik uıymdarǵa jáne toptarǵa muqtaj adamdarǵa kómektesý jáne qoǵamdy jaqsartý úshin sińirgen eńbegi úshin beriledi. Erikti úısizderge kómektesý, qarttarǵa kútim, erekshe qajettilikteri nemese múmkindikteri bar adamdarǵa kómektesý, kedeılikpen kúresý taǵy basqa salalarda jumys isteı alady.

Bilim berý salasyndaǵy volonterlik – belsendi volonterler men volonterlik uıymdarǵa jáne bilim berý salasyndaǵy eńbegi úshin toptarǵa beriledi. Bul nomınatsııa bilim berý mekemelerinde jumys isteıtin nemese bilim berý jobalaryna qatysatyn belsendi volonterlerdiń, volonterlik uıymdar men toptardyń kúsh-jigerin jáne berilgen úlesin tanıdy jáne kótermeleıdi.

Ekologııalyq volonterlik – belsendi volonterler, volonterlik uıymdarǵa jáne toptarǵa qorshaǵan orta men tabıǵatty qorǵaýǵa sińirgen eńbegi úshin beriledi. Osy nomınatsııadaǵy eriktiler aýmaqtardy tazalaýdy, aǵash otyrǵyzýdy, ekologııalyq is-sharalardy uıymdastyrýdy, ekojúıelerdi saqtaý jáne qalpyna keltirý boıynsha jumystaryn júrgizedi.

Haıýanattar baǵy volonterleri – belsendi volonterler, volonterlik uıymdarǵa jáne haıýanattar baǵy volonterlerine, sondaı-aq haıýanattar baǵynda, baspanalarda, qoryqtarda nemese janýarlar álemine qatysty basqa uıymdarda janýarlardy qorǵaý men kútýge arnalǵan toptarǵa beriledi.

Tótenshe jaǵdaılardy joıý salasyndaǵy volonterlik – tabıǵı apattar, apattar, qaqtyǵystar jáne basqa da daǵdarystyq jaǵdaılar sııaqty tótenshe jaǵdaılardan zardap shekkenderge kómek kórsetýge belsendi qatysqany úshin belsendi eriktilerge, erikti uıymdarǵa jáne toptarǵa beriledi.

Sport jáne týrızm salasyndaǵy volonterlik - sporttyq is-sharalardy ótkizýge kómek kórsetkeni úshin belsendi volonterlerge, volonterlik uıymdarǵa jáne toptarǵa beriledi. Osy saladaǵy eriktiler ártúrli tapsyrmalardy oryndaı alady, sonyń ishinde is-sharalardy uıymdastyrýǵa kómektesý, jankúıerlerge qyzmet kórsetý, aqparat berý jáne qatysýshylardy baǵdarlaý.

Mádenıet salasyndaǵy volonterlik – belsendi volonterler, volonterlik uıymdary men toptaryna mádenı is-sharalardy, mekemeler men bastamalardy qoldaǵany úshin beriledi. Bul saladaǵy eriktiler mádenı is-sharalardy ártúrli aspektilerde uıymdastyrýǵa jáne ótkizýge qatysa alady. Sonymen qosa is-sharalardy daıyndaý jáne ótkizý, aqparattyq qoldaýǵa kómektesý, nasıhattaý jáne jarnama, mádenıet uıymdaryna kómek kórsetedi.

Korporatıvtik volonterlik – belsendi volonterlerge, volonterlik uıymdarǵa jáne toptarǵa beriledi. Uıymdar korporatıvtik áleýmettik jaýapkershilik sheńberinde volonterlik qyzmetke qatysady.

Halyqtar arasyndaǵy beıbitshilikti, dostyq pen kelisimdi saqtaý jáne nyǵaıtý jónindegi volonterlik – ulttyq jáne shetel volonterlerine, volonterlik uıymdar men toptarǵa beriledi. Olardyń qyzmeti halyqaralyq qatynastardy jaqsartýǵa, qaqtyǵystardy azaıtýǵa jáne halyqtar arasyndaǵy beıbitshilikti, kelisim men ózara túsinistikti jetkizýge baǵyttalǵan.

Medıa-volonterlik – bilim berý, áleýmettik qoldaý, aqparattyq yqpal etý jáne halyqqa bilim berý sııaqty túrli salalarda volonterlik qyzmetti júzege asyrý úshin belsendi volonterlerge, volonterlik uıymdarǵa jáne qyzmetinde medıa resýrstary paıdalanylatyn toptarǵa beriledi. Bul nomınatsııaǵa úmitkerler qoǵamdaǵy oń ózgeristerge yqpal etetin mazmundy jáne áserli medıa-jobalardy qurýǵa umtyla otyryp, volonterlik qyzmet úshin medıa-resýrstardy belsendi paıdalanýdy kórsetýi kerek.

Intellektýaldy volonterlik – belsendi volonterler men volonterlik uıymdarǵa jáne joǵary bilim men ıntellektige qatysýyn belgileıtin jáne yntalandyratyn toptarǵa beriledi. Osy nomınatsııaǵa qatysatyn volonterler ózderiniń bilimderin, daǵdylary men tájirıbelerin bilim berý, densaýlyq saqtaý, áleýmettik ádilettilik, zertteý taǵy basqa salalarǵa kómektesý úshin paıdalanady.

Joba 20 tamyzǵa deıin ashyq talqylaý úshin «Ashyq NQA» saıtynda jarııalandy.