Jyl sońyna deıin elektr tarıfi óse me – Energetıka mınıstrliginiń jaýaby

<p>ASTANA. KAZINFORM &ndash;Senat otyrysynan keıin jýrnalıster &nbsp;Energetıka vıtse-mınıstri Suńǵat Esimhanovtan jyl aıaǵyna deıin elektr tarıfi qalaı qubylatynyn surady. &nbsp;</p>

«Tarıfti bizdiń Tabıǵı monopolııalar komıtetindegi áriptesterimiz bekitetinin bilesizder. Biz elektr stansalaryndaǵy tarıfti ǵana bekitemiz. Ol tarıfterdi 1 qańtardan bastap kóterdik. Sondyqtan jýyq arada elektr stansalaryndaǵy tarıftiń ósýin kútip otyrǵan joqsyz», - dedi vıtse-mınıstr.

Sondaı-aq tarıftiń ósýine túrtki bolatyn sebepterdi atady. 

«Tótenshe retteý sharalary degen uǵym bar. Kómir sııaqty zattardyń baǵasy kúrt ósse, tarıfti shuǵyl retteý kerek bolady. Elektr qýatynyń kásiporyndarynda aılyqty kóterdik. Mysaly, depýtattarmen birge Jezqazǵan jylý-elektr ortalyǵynda boldyq. Ol jerdegi mashınıstiń aılyǵy – 400 myń teńge. Energetıka salasy úshin bul aıtarlyqtaı joǵary. Biraq Jezqazǵannyń metallýrgııalyq kásiporyndarynda aılyq 600 myń teńge. Sondyqtan kóbi sol salaǵa ketip jatyr. ıAǵnı, maman tapshylyǵy deıtin másele bar. Osynyń bárin keshendi qaraý kerek. Bul jýyq arada tarıfti taǵy da kóteremiz degen sóz emes. Degenmen, jalpy eskerý kerek sebepter bar. Aılyqty aıtarlyqtaı jaqsy kóterdik. Sondyqtan taǵy aılyq ósirý sııaqty josparymyz da joq», - dedi Suńǵat Esimhanov.