Jyl saıyn 80 áıel otbasyndaǵy zombylyqtan kóz jumady – Bas prokýratýra

<p>Bas prokýratýranyń Qoǵamdyq múddelerdi qorǵaý qyzmetiniń basshysy Marat Ábishev turmystaǵy zorlyq-zombylyqpen bet-bet keletin áıelderdiń resmı statıstıkasyn atady, dep habarlaıdy&nbsp;<a href="https://kaz.inform.kz/" target="_blank" rel="noopener">Kazinform.</a></p>

«Jyl saıyn turmystyq zorlyq-zombylyqtan kem degende 80 áıel kóz jumady. 150 áıel aýyr jaraqat alsa, 200 áıel orta dárejedegi, 4 myńnan astam áıel jeńil jaraqat alady. Polıtsııaǵa kún saıyn 300 shaǵym túsedi. Onyń ishinde bala men áıeldi sabaý, múgedektikke dýshar etý, tipti kisi óltirý faktileri bar», – dedi ol Bas prokýratýranyń Zańdylyqty, quqyqtyq tártipti jáne qylmyskerlikke qarsy kúresti qamtamasyz etý jónindegi úılestirý keńesiniń jıynynda.

M.Ábishevtiń sózinshe eldegi árbir úshinshi áıel otbasynda zorlyq-zombylyqqa tap keledi.

«2023 jyldyń 10 aıynda turmystyq zorlyq-zombylyq úshin 50 myń adam ákimshilik jaýapkershilikke, 700 adam qylmystyq jaýapkershilikke tartyldy. Degenmen bul sandar shynaıy jaǵdaıdyń kórinisi bola almaıdy. Otbasyndaǵy janjaldyń kóbi jabýly qazan kúıinde, quqyq qorǵaý organdary men áleýmettik jumysshylardyń nazarynan tys qalady. Tipti júıeli túrde sabap, qorqytyp, psıhologııalyq zombylyq jasaý jaǵdaılary da jasyryn qalady. Sarapshylardyń júrgizgen esebi boıynsha, eldegi árbir úshinshi áıel osyndaı qarym-qatynaspen betpe-bet keledi», – dedi mınıstrdiń orynbasary.