Jyl qorytyndysy: qazaqstandyq tergeýshiler sotqa 50 myńǵa jýyq is jibergen

<p>Búginde elimizdegi qylmystyq isterdiń 96%-yn ishki ister organdarynyń tergeýshileri tergep jatyr. Osy jyldyń basynan beri polıtsııa 360 myń qylmystyq isti tergedi, onyń ishinde 167 myń is aıaqtaldy, 50 myńǵa jýyǵy sotqa jiberildi, &ndash; dep habarlaıdy <a href="https://kaz.inform.kz/" target="_blank" rel="noopener">Kazinform</a> <a href="https://polisia.kz/zhyl-qorytyndysy-qazaqstandyq-tergeushiler-50-mynggha-zhuyq-isti-sotqa-zhiberdi/" target="_blank" rel="noopener">Polisia.kz</a> saıtyna silteme jasap.</p>

Sonymen qatar bıyl ІІM-niń tergeýshileri azamattarǵa iri shyǵyn keltirgen qylmystyq toptarǵa, esirtki zerthanalaryna, bala saýdasyna, qarjy pıramıdalaryna qatysty qylmystyq isterdi tergeýdi aıaqtady. Іshki ister organdarynyń isteri boıynsha barlyǵy 49 myń adam qylmystyq jaýapqa tartylsa, onyń 1409-y asa aýyr qylmys, 12 517-si aýyr qylmys jasaǵan. Tergeýshiler jumysyndaǵy basym baǵyttardyń biri - qylmystan zardap shekkenderge keltirilgen shyǵynnyń ótelýin qamtamasyz etý. Bıyl jábirlenýshilerge 21 mlrd teńgeden astam shyǵyn óteldi, al múlikti tárkileýge qatysty sot úkimin oryndaý maqsatynda 1 mlrd teńgeden astam múlikke tyıym salyndy. Tergeý nátıjeleri boıynsha tergeý jáne anyqtaý bólinisterimen qylmystyq quqyq buzýshylyq jasaýǵa yqpal etken mán-jaılardy joıý týraly 50 myńnan astam usyný engizildi.

– Іshki ister mınıstrligi qylmystyq isterdi tergep-tekserý sapasyna jáne sotqa deıingi óndiris barysynda azamattardyń konstıtýtsııalyq quqyqtarynyń saqtalýyna erekshe nazar aýdarady. Qyzmetkerlerdiń kásibı deńgeıi men biliktiligin arttyrý máseleleri de nazardan tys qalmaıdy. Osy jyly ІІM bazasynda 300-den astam tergeý apparatynyń basshysy oqýdan ótti. Vedomstvolyq oqý oryndarynda 450-den astam qyzmetker biliktiligin arttyrdy. Qylmystyń jekelegen túrlerin, onyń ishinde ınternet-alaıaqtyq sııaqty jańa túrlerin tergeý boıynsha ádistemelik usynymdar aýmaqtyq polıtsııa bólinisterine joldandy, – dedi QR ІІM tergeý departamenti basqarma bastyǵy Ermek Shúlden.