Jyl basynan elimizde 1 myńǵa jýyq jańa elektromobıl tirkeldi

<p>ASTANA. KAZINFORM &mdash; Qazaqstan aýmaǵynda 10 myńǵa jýyq elektromobıl tirkelgen. Bul týraly QR Іshki ister mınıstrliginiń baspasóz qyzmeti málim etti.</p>

«Qazirgi kezde elimizde 9639 elektromobıl tirkelgen. 2024 jyldyń basynan bastap 993 elektromobıl memlekettik tirkeýge qoıylǵan», - delingen mınıstrliktiń Kazinform agenttigine bergen jaýabynda.

Atap aıtqanda, álemde jyl saıyn elektrokarǵa suranys artyp jatyr. 2023 jyly elektromobıl álemdegi eń kóp satylǵan kólik boldy. Qazaqstanda da bul kólikti tańdaıtyndar kóbeıip keledi. Oǵan statıstıka dálel, ıaǵnı byltyr elektromobılder sany 10 eseden astam artty.

2022 jyly elimizde nebári 570 elektromobıl bolǵan. 

Sarapshylardyń pikirinshe, elektromobılderdiń kúrt artýyna qazaqstandyqtarǵa kóliktiń ekologııalyq taza túrine kóshýi úshin memleket beretin kvota sebep boldy. Óıtkeni elektromobıldiń atmosferaǵa zııany joq. Sondyqtan memleket ony satyp alǵanda keden jáne salyq tólemderinen bosatatyn kvota berdi. Mine, osydan keıin satyp alýshylar kóbeıdi.