Jyl basynan beri Ulttyq banktiń altyn-valıýta rezervi 9 paıyzǵa tómendedi

<p>Jyl basynan Ulttyq banktiń altyn-valıýta rezervi 9 paıyzǵa tómendedi. Bul týraly Úkimet otyrysynda Ulttyq bank tóraǵasynyń orynbasar Berik Sholpanqulov aıtty, dep habarlaıdy <a href="https://kaz.inform.kz/" target="_blank" rel="noopener">Kazinform </a>agenttiginiń tilshisi.</p>

«Jalpy halyqaralyq rezervter qyrkúıektiń sońynda 89,7 mlrd dollardy qurady. Jyl basynan beri Ulttyq banktiń altyn-valıýta rezervteri 31,9 mlrd dollarǵa deıin, ıaǵnı 9 paıyzǵa tómendedi. Bul Ulttyq banktiń valıýtalyq shottaryndaǵy ekinshi deńgeıli bankter qarajatynyń azaıýyna jáne memlekettik boryshty tóleýge baılanysty boldy», - dedi UB tóraǵasynyń orynbasary.

Onyń dereginshe, Ulttyq qordyń aktıvteri jyl basynan 57,8 mlrd dollarǵa deıin 3,7 paıyzǵa, ıaǵnı 2,1 mlrd dollarǵa ósti. Negizgi ósim jyl basynan 4 paıyz nemese 2,2 mlrd dollardy quraǵan ınvestıtsııalyq tabys esebinen boldy.

«Ulttyq qordan respýblıkalyq bıýdjetke transfertter 3,3 trln teńgeni qurady. Olardy júzege asyrý úshin Ulttyq qordyń valıýtalyq aktıvteri 6 mlrd dollarǵa satyldy. Qorǵa túsken túsimder 3,4 trln teńgeni qurady», - dedi Berik Sholpanqulov.