Jyl basynan beri terakt týraly 50-ge jýyq jalǵan habarlama tirkeldi

<p>Bıyl kólik polıtseıleri 50-ge jýyq terrorızm aktisi týraly kórineý jalǵan habarlama tirkedi, &ndash; dep habarlaıdy <a href="https://polisia.kz/biyl-kolik-politsejleri-50-ge-zhuyq-terrorizm-aktisi-turaly-korineu-zhalghan-habarlama-tirkedi/" target="_blank" rel="noopener">Polisia.kz</a>.&nbsp;</p>

Osy jyldyń basynan beri kóliktegi polıtsııa departamentinde QR qylmystyq kodeksiniń 273-baby (Terrorızm aktisi týraly kórineý jalǵan habarlaý) boıynsha 49 qylmystyq quqyq buzýshylyq tirkeldi. Bul týraly kóliktegi PD bastyǵy Baqytjan Malybaev málimdedi.Onyń aıtýynsha sońǵy ýaqytta áýe jáne temirjol kóligi nysandarynda ázil-qaljyńdy jalǵan terrorızm faktileri jıilep ketti.

Jyl basynan beri atalǵan qylmystardy jasaǵany úshin barlyǵy 21 tulǵa anyqtalyp, ustaldy. Bul rette “ázilqoılar” týyndaǵan jaǵdaıdyń aýyrlyǵyn jáne saldaryn túsinbeı jatady.

Máselen bir táýlik ishinde Astana qalasynyń áýejaıynda jolaýshylar tirkeýden jáne tekserýden ótý kezinde áýejaı qyzmetkerlerine bomba, granata jáne t.b. tyıym salynǵan zattardyń bar ekendigi týraly ázil-qaljyń túrinde habarlaǵan 3 fakt tirkeldi.

– Júrgizilgen tekserý is-sharalarynyń nátıjesiánde tyıym salynǵan zattar tabylǵan joq. Barlyq faktiler boıynsha QR QK-niń 273-baby (Terrorızm aktisi týraly kórineý jalǵan habarlaý) boıynsha sotqa deıingi tergeý bastaldy, – dedi PD bastyǵy.

Sondaı-aq, vedomstvo basshysy terrorızm aktisi týraly kórineý jalǵan habarlar kólik ınfraqurylymynyń qyzmetin toqtatyp, quqyq qorǵaý organdary men arnaıy qyzmetterdiń kúshterin naqty qylmystar men oqıǵalardan aýdaryp áketetinin, sondaı-aq materıaldyq zalal túrinde eleýli zııan keltiretinin atap ótti.

Esterińizge sala keteıik, qoldanystaǵy qylmystyq zańnamaǵa sáıkes terrorızm aktisi týraly kórineý jalǵan habarlaǵany úshin bes myń aılyq eseptik kórsetkish mólsherinde aıyppul salý ne sol mólsherde túzeý jumystaryna ne bes jylǵa deıingi merzimde bas bostandyǵyn shekteý ne sol merzimge bas bostandyǵynan aıyrý túrindegi jaza qarastyrylǵan.

Sonymen qatar jalǵan terrorıster sot sheshimi boıynsha oqıǵa ornyna jumyldyrylǵan jedel áreket etý qyzmetteriniń barlyq shyǵyndaryn tolyq kólemde óteıdi.