Jyl basynan beri teńge baǵamy 5,8% álsiredi - Ulttyq bank

<p>ASTANA. KAZINFORM &ndash; Ulttyq bank tóraǵasy Tımýr Súleımenov teńge baǵamyn qoldaý úshin ishki naryqqa dollar satý qalaı uıymdastyrylyp jatqanyn málim etti.</p>

«Qyrkúıekte teńgeniń aıyrbastaý baǵamy 1 dollar úshin 481,11 teńgege deıin, ıaǵnı 0,1%-ke azdap nyǵaıdy. Alaıda, jyldyń basynan beri 5,8%-ke álsiredi. Transfertterdi qamtamasyz etý úshin qyrkúıekte Ulttyq qordan respýblıkalyq bıýdjetke 945 mln dollar valıýta satý teńgege qoldaý kórsetti. Sondaı-aq, Ulttyq banktiń «Qazatomónerkásip» AQ aktsııalaryn satyp alýynyń valıýta naryǵyna yqtımal teris áserin teńestirý aıasynda biz 241,5 mln AQSh dollaryn sattyq», - dedi Ulttyq bank basshysy.

Tımýr Súleımenov Biryńǵaı jınaqtaýshy zeınetaqy qorynyń zeınetaqy aktıvterin ınvestıtsııalaý úshin mln dollar satyp alynǵanyn aıtady.

«Zeınetaqy aktıvteriniń valıýtalyq úlesi maqsatty 40% deńgeıine jetýine baılanysty shetel valıýtasyn satyp alýdy toqtata turý týraly sheshim qabyldandy. Teńgeniń budan keıingi dınamıkasy naryqqa qatysýshylardyń kútýlerine, álemdik naryqtardaǵy jaǵdaıǵa jáne geosaıası jaǵdaıdyń ózgerýine baılanysty bolady. Ulttyq bank teńgerimsizdikti boldyrmaıtyn jáne altyn-valıýta rezervteriniń saqtalýyn qamtamasyz etetin ıkemdi baǵam belgileý rejımin ustanady», - dedi ol.

Osyǵan deıin 9 aıda bıýdjetke 14,9 trln teńge kiris kirgenin jazdyq.