19:46, 25 Qyrkúıek 2024

Jyl basynan beri Ózbekstanǵa 1 mln astam qazaqstandyq saıahattap barǵan

TAShKENT. KAZINFORM — Qańtar-tamyz aılary aralyǵynda Ózbekstanǵa 5 mıllıonnan astam sheteldik týrıst keldi. Bul ótken jyldyń sáıkes kezińimen salystyrǵanda 16,7%-ǵa kóp, dep habarlaıdy Kazinform agenttiginiń Tashkenttegi menshikti tilshisi Álıhan Asqar.

Foto: Ózbekstan Týrızm komıtetiniń baspasóz qyzmeti

Ózbekstannyń Týrızm komıtetinen málim etkendeı, elge saıahattap kelgen sheteldikterdiń kóbi — Tájikstan (1,4 mln adam) men Qyrǵyzstan (1,4 mln adam) azamattary.

Úshtikti Qazaqstan túıindeıdi.

Bıyl qańtar-tamyz aralyǵynda Ózbekstanda 1 mln 20 myńnan astam qazaqstandyq demalysyn ótkizgen.

Qosa ketsek, bıyl Ózbekstan 2,2 mln qazaqstandyq týrısti qabyldaýǵa nıetti.

Ótken jyly Ózbekstanǵa barǵan qazaqstandyq týrısterdiń sany 1,3 mıllıonnan asqan edi.

Saıahatshylardyń kóbi Tashkent, Samarqand, Buhara jáne Hıýa qalalarynyń kórikti jerlerine jıi barady.

Ózbekstannyń Týrızm komıtetinen málim etkendeı, qazaqstandyqtar úshin Qaraqalpaqstan da tanymal týrıstik baǵyttardyń biri sanalady.

Týrızm Týrıst Álem jańalyqtary Ózbekstan

Álıhan Asqar

2018 jyly A. Baıtursynov atyndaǵy Qostanaı memlekettik ýnıversıtetin jýrnalıstıka mamandyǵy boıynsha támamdaǵan. Ár jyldary oblystyq Qostanai, respýblıkalyq Astana TV, «Jetinshi arna» telearnalaryndaǵy baǵdarlama jáne jańalyqtar bóliminde qyzmet etti. «QR Prezıdenti teleradıokesheninde» 2022 jyldyń mamyrynan bastap eńbek etedi. 2023 jyldan beri Kazinform agenttiginiń Ózbekstandaǵy menshikti tilshisi.