Jyl basynan beri Ózbekstan kásiporyndarynda 101 adam qaza tapty

<p>TAShKENT. KAZINFORM &ndash; Bıyl qańtar-maýsym aralyǵynda ózbekstandyq ınspektorlar zańnama talaptaryn saqtamaǵan 21 436 faktini anyqtady, dep habarlaıdy Kazinform agenttiginiń Tashkenttegi menshikti tilshisi Álıhan Asqar.</p>

Jumyspen qamtý jáne kedeılikti qysqartý mınıstrliginiń baspasóz hatshysy Djamolıddın Kalandarovtyń aqparatynsha, qamtylyp otyrǵan aralyqta kásiporyndarda 7 720 tekseris júrgizilgen. Onyń barysynda quqyq qorǵaý organdary 4 335 laýazymdy tulǵaǵa aıyppul salyp, úsh oqıǵaǵa qatysty is sot pen prokýratýraǵa tapsyrylǵan. 

Foto: ÓR Aqparat jáne buqaralyq kommýnıkatsııalar agenttigi

Sondaı-aq qajetti deńgeıde eńbek jaǵdaıy jasalmaǵan 8 myń zań buzýshylyq jaǵdaıy anyqtaldy. Atap aıtqanda, mamandar májbúrli eńbekke tartýdyń 16 faktisin tirkep, 135 azamattyń quqyǵyn qorǵady. 

Alǵashqy 6 aıda el kásiporyndarynda 387 jazataıym oqıǵa bolyp, saldarynan 416 qyzmetker zardap shekti. Onyń ishinde 303 adam aýyr, 12 qyzmetker jeńil jaraqat aldy, 101 adam qaza tapty. Apattardyń kóbi qurylys salasynda tirkelgen.